ازيكم يا فتوكاتي يا قمرات وحشتوني بعد تجربتي الاولى في قسم المطبخ قلت يا بت يا ريري يلا اتشجعي ونزلي موضوع كمان يمكن تكوني سبب في استفادة فتوكة محتارة في الغدا زي ما انا بستفاد منكم كتييييييييييييييييييييير قلت بقى النهاردة انزل لكم صينية الفراخ والرز بالكبد والقوانص والكاري بس ليا طلب عندكم ياريت لو الموضوع عجبكم تقيموه نفسي يتثبتلي موضوع قبل ما اموت ههههههههههههه
لا بجد بجد لو عجبكم الموضوع قيموني بليييييييييييييز
كفاية رغي يا ريري بقى سمعاكم بتقولوها خلاص ما تزقوش هدخل في الموضوع على طول أولا دي صورة كدة عالماشي للأكل بعد ما خلص شوية تشويق يعني وتجويع كمان ههههههههههههه
اول خطوة يا بنات هنحضر الفراخ طبعا ودي الست فرخة هانم نازلة من السلالم هههههه طبعا هنغسلها كويس بالملح والخل ونقطعها اربع قطع
وبعد كدة هنحضر الحشو اللي هنحشي بيه الفرخة وهيكون عبارة عن
بصل مبشور
وطماطم مقشرة ومقطعة مكعبات
وفلفل أخضر مقطع مكعبات
وكدة خليط الخضروات مع بعض
هنضيف عليه البهارات ( ملح – فلفل – كمون ) وشوية زيت صغيرين وشوية خل صغيرين
وبعد كدة هنبدأ في حشو قطع الفراخ
ونركز بين الجلد واللحم
وبعد كدة نحط قطع الفراخ في الصينية ومدهونة زيت ونزودها ربع كوب ماء مش كتير لانها هتنزل ميتها وتستوي فيها
ونغطي الصينية بورق الفويل
ونحطها على النار من فوق شوية
ولما تقرب تستوي ندخلها الفرن
وبعد ما تستوي نولع الشواية عشان تحمر
معلش بقى الست الخايبة اللي هي انا سمعاكم بتقولوا خايبة حرقت الصينية بس معلش النار كانت عالية شوية
والمشاركة الجاية هنزل لكم طريقة الرز بالكبد والقوانص والكاري
مواضيع هذا القسم برعاية
المشتاقة الى ابنتها المشتاقة الى ابنتها 577010_6.gif سوبر فتكات Fatakat 577010 بورسعيد – مصر