ازيكم يا حابيبى ده اول موضوع ليا وبما أنى بستفاد من وصافتكم قولت مبخلش عليكم بالوصفة دى
خليكوا معايا
المقادير :
1 فرخة كاملة متنضفة كويس من برة وجوه
1 بصلة كبيرة
نص معلقة صغيرة فلفل اسود
نص معلقة صغيرة بهارات لحم
نص معلقة صغيرة حبهان وكبابة صينى مطحونين
نص معلقة صغيرة سكر
ملح حسب الرغبة
رشة قرفة
رشة جوزة الطيب
ورقة لورا
وكل ده يتحط فى الكبة ويطحن كويس جدا
وبعد كدة تتبل الفرخة من برة وجوه بالخليط دة كويس قوى وتتحط فى طبق وتغطى بورق استرتش او كيس بلاستيك وتدخل التلاجة لحد تانى يوم او تتبل الصبح وتطبخ العصر يعنى متقلش عن 3 ساعات فى التدبيل
وبعد كدة نشيل التدبيلة عن الفرخة بأدينا منت برة وجوة الفرخة لحد متنضف من غير منستعمل ماية ولا حاجة
وبعد كده ندهنها برشة زيت او معلقة زيت صغيرة وندعك الزيت والفرخة بأدينا
ونسخن الفرن كويس
وناخد بالنا من الخطوة اللى جاية
على شبكة الفرن بعد منغسلها كويس نحط الفرخة عليها على طول من غير طبق وتحت الفرخة على رف الفرن اللى فوق الشعلة نحط طبق فيه ماية وأى ورق توابل بنحبه ( روز مارى ، حبهان ، ورق لورى ) او من غير اى توابل ماية وبس
ونسيبها تستوى وبعد شوية نقلبها على الجنب التانى ومتخفوش مبتلزقش ومبتخدش فى الفرن أكتر من نص ساعة لساعة الا ربع
وبعد متحمر ورحتها تقلب الشارع
نطلعها فى طبق التقديم ونحط جنبها ورقة فويل صغيرة وعاليها فحمة مولعة وفوقيها حتة سمنة صغيرة ونغطيها لحد منوضب السفرة
وبعدين نشيل الفحمة وبالهنا والشفا وادعولى ومش هتصدقوا جمال طعمها
مواضيع هذا القسم برعاية
esraa_pretty esraa_pretty فتكات حبوبة Fatakat 42238 بيتى حبيبى – مصر مصر تحيا مصر