اخباركم اية فتوكاااات يارب تكونى فى احسن حال ..
أطبــــــــــــاقنا اليوم هما ..
نبدأ بسم الله ..
اولا هبدأ بالطبق الاول ..
*دجــــــاج كورما الــــهندى *
المكونات ..
1 كيلو من صدور الدجاج
2 علبة زبادى ( استخدمت اكتيفيا ) او ممكن تستخدمى حليب جوز الهند
1ملعقة كبيرة نشا + ربع كوب ماء بارد
قطعة زنجبيل طازج
1 بصلة وسط مفرومة
7 فصوص ثوم
بهارات معلقة صغير من كل من ( ملح / فلفل ابيض / هيل مطحون / قرنفل/ كمون / بابريكا غرام ماسالا( بهار هندى )
1 ملعقة صغيرة معجون طماطم
لوز شرايح محمص
زيت وزبدة
الطريقة ***
_يقطع صدور الدجاج الى شرايح متوسطة السمك ثم ننقعها فى ماء وملح وخل ( للنظافة )
_بعد نقعة نص ساعة نشطف الدجاج ونصفية فى مصفاة
_ هنخلط البهارت المذكورة كلها مع بعض وناخد جزء منها ..
_ ننقع الدجاج فى الخليط الاتى ( الزبادى +جزء من البهارات السابقة ) ننقعة لمدة ساعتين …
_نحضر حلة على النار وفيها 4م كبيرة من الزيت و2 معلقة زبدة ونضيف باقى البهارات علية على نار هادية لحد ما تشمى ريحة البهارات وتقلبيها …
_هنضيف على البهارات البصلة المفرومة ( نضرب فى الكبة الثوم والزنجبيل الطازج مع بعض ) نضيفة للبصل مع التقليب
_ هنضيف الدجاج بدون الخليط المنقوعة فيه ونحتفظ بالخليط على جنب..ونقلبها على النار كويس ونسيبها شوي تنزل ميتها وتقرب للسوى
_ هنضيف معجون الطماطم وباقى خليط الزبادى اللى علية البهارات اللى كانت الدجاج منقوعة فية
ونكون قليين الللوز بمعلقة صغيرة سمن
_ونذوب النشا فى الماء ونضيفة عليها وشوية من اللوز المحمص وعلى نار هادية .. حتى النضج الكامل
هنصب الدجاج مع الصوص ونزينة بشرايح اللوز المحمص ,….. وبالهنا والشفا …
ثانيا ..الطبق الثانى ..
* أرز بسمتى بالخضار *
المكونـــــــــات …
2 كوب أرز بسمتى
1 كوب خضار مشكل طازج ( استخدمت بسلة وجزر وبطاطس ) تقدرى تستخدمى المتوافر عندك
بهارات ( ملح وفلفل وبهار حلو وبهار ارز وكركم وعود قرفة و2 ورق لورا )
2 بصلة مفرومة
2 مكعب مرة دجاج
2م كبيرة مسطردة
1م كبيرة زبدة
3 م كبيرة زيت
3 كوب ماء ( لكل كوب رز بسمتى كوب ونص ماء )
الطريقة **
_حلة ونضع فيها زبدة وزيت وننزل عليها بالبصل المفروم ونقلب كويس ثم الكركم وورق اللورا ومكعبين مرق الدجاج
نقلب حتى يصفر البصل وعلية بهار الارز .
_ الخضار نكون غاسلينة كويس وضيفين علية بصلة مفرومة والمسطردة وشوية بهارات الكمون والفلفل الاسمر والبهار الحلو وندعكهم كويس والطريقة دى بتدى طعم تحفة للرز وهى تتبيل الخضار قبل اضافتة ..
_ ننزل بالخضار المتبل على البصل ونقلب كويس ونضيف مقدار الماء يغلى نضيف الارز وعلى نار متوسطة يغلى ثم نهدى النار حتى نضج الارز ..
_ متقلبيش الرز البسمتى كتير لانه بيتكسر هى مرة واحدة فقط ..
وعند النضح تقدمة فى طبق كبير … وبالف هنا وشفا
يارب موضــــوعى يعجبكم .. ومتنسوش التقييم يا فتوكــــــــــــات… شكرا لكرم أخلاقكم
& رب اجعلنى مقيم الصلاة &
مواضيع هذا القسم برعاية
رب اجعلنى مقيم الصلاة رب اجعلنى مقيم الصلاة images/flowersavatars/avatar0025.jpg فتكات ست الكل Fatakat 562435 القاهرة – مصر