حبيباتي كلنا بنحشي الحمام عادي يعني
وبعدين نسلقه ونحمره
بس النهرده انا هعمله بالعكس تعالي اوريكي
المطلوب:
حمام حسب افراد الاسره
رز مصري
بصله كبيره مقطعه مكعبات
قليل من الزبيب ((اختياري))
بهارات الرز : كبابه — قرفه –فلفل اسود –ملح
ولتسويه الحمام : 5 وحدات من الهيل __ورقتين لورا __فصين مستكه
الطريقه :
__هنعمل الرز اولا :
__نشوح بصله ومعاها قليل من الزبيب حتى يزبلوا
__نضيف الكبد والقوانص بتاعه الحمام ونقلب شويه كمان
__نضيف الرز والبهارات ((كبابه — قرفه –فلفل اسود –ملح))
ثم ماء لتسويه الرز نص سوا (( انا بكتر كميه الرز لاننا بناكله جنب الحمام ))
فبحط كميه الماء تغطي الرز واسيبه يتشربها
وبعدين اخد الكميه اللي هحشي بيها الحمام
واسيب بقيت الرز يكمل سواه على نار هاديه
__نبدأ نحشي الحمام بس ما نملاش بطنه اوي
عشان الرز يستوي كويس
وبعدين نحشي الرقبه ولو حابه تحطي قليل من الرز تحت جلده البطن
__كده خلصنا حشو
__نبدأ في التسويه :
نجيب طاسه كبيره ونحط فيها معلقتين سمنه كبار
ونسبهم يقدحوا كويس
وبعدين نحط عليها 5 وحدات الهيل __ورقتين لورا __فصين مستكه
ونبدأ نحمر الحمام من جميع الجهات
__كده خلصنا تحمير ونقلته في صنيه تانيه
وهحطه على النار واحط كوبيتين من الميه ومكعب ماجي حتى يوصل الماء لنص مستوى الحمام
__اسبها تغلي وبعدين اغطي الصنيه واسيبه يستوي
وكل ما تنشف الميه ازود حبه بحبه بس اراعي ان اقلب الحمام كل 10 دقايق
عشان يستوي صح وبياخد تقريبا نص ساعه
__يقدم مع الرز بعد ما يستوي ويزين بالكبد والقوانص
صحه وعافيه على قلوبكمممممممممممم مواضيع هذا القسم برعاية
روبي صلاح الدين روبي صلاح الدين 100206_1.gif فتكات ست الكل Fatakat 100206 جده – السعوديه