غدانا النهارده يافتوكات بسيط وجميل فراخ مشويه ومكرونه بالخلطه السريه اللي هقولكم عليها واتمنى تعجبكم الاول بصوا على تصبيره الاول
اولا التتبيله اللي هنعملها لازم نحطها على الفراخ قبلها بليله بس انا عشان عندي برده سلقت الفراخ نص سلقه وبعدين حطيت عليها التتبيله عشان اخد الشوربه واعمل عليها لسان العصفور
انا فرشت الصينيه بطاطس متقطعه صوابع تخينه وفوقها الفراخ وصبيت فوقها التتبيله وعلى الفرن عدل
التتبيله عباره عن : 3 معالق كبار ثوم مهروس -معلقه كبيره صلصه -ربع كوب خل -ملعقتين زيت نباتي ويفضل زيت زيتون-مسطرده -البهارات(ملح-فلفل اسود – كركم -كاري زعتر)واخيرا السر هوه عسسسسسسل ابيض ايوه عسل ابيض هوه ده اللي بيدي النكهه التحفه ونضرب في الخلاط
ونصب فوق الفراخ ونزود شويه شوربه او مايه ونحط في الفرن
نشوف الصور
المكرونه بقى هنشوح بصله متوسطه مع معلقتين توم مهروس ولما يحمروا نصب فوقهم الطماطم المعصوره وربع كوب من الخلطه بتاعه الفراخ ونسيبهم يتسبكوا ومانضفش اي بهارات او ملح الخلطه كافيه وبعد لما تتسبك نضيف المكرونه ونقلب
وبالهنا والشفا ارجو التقييم مواضيع هذا القسم برعاية
sunrise86 sunrise86 1046340_1.gif فتكات نشيطة Fatakat 1046340 الاسكندريه – مصر