السلام عليكن يا اجمل بنات موجودات علي فتكات
بحبكن في الله
عشان كده جيبالكم احلي طريقه فراخ بالفيجتار الحار او البارد
ندخل في الموضوع بقي عشان مش بحب الرغي
مقادير الفراخ بالفيجيتار
اولا :
فرخه مسلوقه عادي
او ممكن نيئه تقطعيها اربع اربع وهاتى صنيه وحطي فيها الفراخ نيئه قطع
واعملي خلطه في الخلاط عباره عن :
بصلتين وخمس فصوص ثوم وطماطمايه واحده وبهارات وتوتبل وملح وكمون وفلفل
كل ده في الخلاط مع قرن فلفل اخضر وصبي الخليط ده علي الفراخ النيه وهدي عليها النار خالص مع ملعقتين زبده وسيبيها حتى تستوى علي نار هادئه تقريبا هتاخد ساعه لو فراخ كبيره وساعه الا ربع لو صغيره
وبعد ماتستوى الفراخ
تكونى محضري الخلطه وتغمسي القطعه في الخلطه بتاعت الفيجيتار اللي هقولك عليها دلوقتى وبعدين تقليها في الزيت الساخن وبالهنا والشفا
وممكن جنبها تعملي سلطه طحينه او مكرونه حمرا او اى حاجه تحبيها
خلطة الفيجيتار بتاعتى :
2كيس فيجيتار واحد حار وواحد بارد ( الكيس االصغير بجنيه تقريبا ويكون فاين فودز)
و2 بيضه
وبس ياستى انت تفرغي محتويات الكيس في طبق غويط وعليه البيض وتقلبي كويس وممكن تحطي بهارات وتقلبي لحد ماتبقي العجينه متماسكه يابسه الي حد ما
وتغمسي قطع الفراخ فييها وتقلي في الزيت ودوقي بقي احلي فراخ
ملحوظه ممكن العجينه دي تنفع للقرنبيط او السمك
وبالهنا والشفاااااا
وممكن الفراخ تبقي مسلوقه عادي وبعدين تقطعيها وتقليها بنفس الطريقه
لو عجبكم قيموا ومتنسونيش من صالح دعائكم حتى لو مش هتكتبي الدعاء مواضيع هذا القسم برعاية
لاجئه الي ربي لاجئه الي ربي 399267_12.gif فتكات رائعة Fatakat 399267 cairo – egypt