فتوكاتي عزيزاتي فلذات كبداتي
طبعا دي التحيةة بتاعة مواضيع الاكل بتاعتي
النهارده جايبة لكوا طريقة الشيش طاووق اللي انا عملتوا وطبعا انا عارفة ان كل الفتوكات كميلات شاطرات وبيعرفوا يعملوه بس انا حبيت اوريكوا عمايل ايديا وحياه عنيا
ندخل في الموضوع
المقاديير
صدور فراخ
بصل-طماطم-فلفل رومي_توم_زبادي _ليمون -خل_ملح-فلفل اسود_زعتر-حبهان_قرفة-زيت زيتون
انا استخدمت صدرين فرخة علشان فردين بس وطبعا الكمية بتزيد حسب عدد الافراد
انا قطعت الصدرين مكعبات
وحطيت المقادير كلها مع بعض في الخلاط وصبتها على الفراخ وسيبتها تتبل من بليل وسويتها تاني يوم العصر وطبعا كل ما تقعد في التتبيلة بتكون احلى واحلى
وفي وقت ما سويتها جهزت اسياخ خشبية ونقعتها في مية نص ساعة علشان ما تتحرقش في الفرن
وجهزت طماطم مكعبات-فلفل رومي اخضر مكعبات وكان عندي فلفل احمر برده حطيته معاه
وبصل مكعبات
ورصيتهم في الاسياخ بالتبادل ورصيتهم في الصينية وحطيت عليهم باقي التتبيلة
ودخلتهم الفرن تقريبا نص ساعة وخرجوا بالمنظر ده
واول ما خرج كنت مجهزة فحمه وحطيتها عليها وغطيتها بتخلي الطعم واااااااو
وكنت عاملة معاه رز بالخلطة وبطاطس محمرة وسلطة
ايه رايكوا في شكل الطبق ؟؟؟؟؟
لو عجبكوا ما تبخلوش عليه بالتقييم يا قمرات
مواضيع هذا القسم برعاية
رواء باهر رواء باهر 423098_27.gif Fatakat 423098 بورسعيد – مصر