السلام عليكم ازيكو يافتاكيت السكر عاملين ايه
يارب تكونو بخير
ده اول موضوع ليا هنا بس هيعجبجكو ان شاء الله
لانى عارفه نفسى متمكنه فى الطبخ طبعا
بصو الحمد لله انا بحب اعمل اكل وبحب اكله كمان ههههه
بصو انا بصراحه كتير بكون عاوزه اصور الاكل اللى بعمله بس بكسل بس امبارح جات فى دماغى انى اصوره وانزله بس ايه بقى لازم تقيمو وتردو وتدعو مهو موش ببلاش انا تليفونى امبارح بقى ريحته لحمه على الاخر من كتر ما كانت ايدى نضيفه
بسم الله نبدا
بصو احنا كان عندنا شرايح لحمه قولت بقى انا موش عاوزه اعملها بمشروم صوص وخلاص كنت عاوزيه احشيها حاجه بجانب المشروم صوص
حشيتها بالسبانح ومشروك وجبنه
اول حاجه جبت بصله متوسطه قطعتها جوليان وشوحتها شويه على النار تدبل مع معلقه زبده
وبعدين نزلت بالسبانخ ورق بس وكنت مقطعها حاجه بسيطه وسبت السبانخ تنزل ميتها على الاخر لازم تنزل كل المياه وبهرتها ملح فلفل وبهارت وده شكلها مع البصل
وبعدين جيت على جنب كده وقطعت المشروم وشوحته لونه يدبل برده حاجه بسيطه وزودته على السبانخ زى كده
بس واطفى النار وخلاص الحشوه جهزت
نيجى بقى لشرايح اللحمه
الشرايح دى بتطلب من الجزار بالبسام كده لانه بيقطعها من حته بتستوى بسرعه كبيرها اووى خمس دقايق على النار على فكره يعنى مينفعش حتى تتعمل بشرايح البفتيك لان شرايح البتفيك بتاخد وقت وسوا كتير وبتكون ناشفه شويه على عكس شرائح الاستيك اللى هنعملها دلوقتى
انا طبعا كنا جايبنا بسمك حوالى نص سنتى كده وده سمك مناسب لو هشويها او هعملها مفروده ببيبر صوص او مشروم صوص لكن لو عاوزه احشيها بحجاه يبقى كان لازم ارفعها تانى لانى هلفها رول يبقى طبقات اللحمه اللى جوا لازم اراعى انها تكون خفيفه عشان تستوى كويس
ده شكلها وانا بدقها بالشكاكوش :9 حطيتها تحت كيس عشان مغسلش الشاكووش هههههه
بصو سمكها عامل ازاى موش حارماكو من حاجه
وبعدين جيت فردت قطعه اللحمه وحطيت الحشوه بتاعتى على الاول كده عشان لما الف يكون عندى مساحه كبيره وفى الاخر حطيت جبنه رومى كان ممكن احط موتزاريلا بس الفركه الرومى عشان هتدى طعم للسبانخ لانها طعمها بيكون متعادل
ده شكلها
ودى بعد ما لفتها اتك عليها وانا بلف عشان موش تفك
وهنا قفلتها بخله طوييله من الحروف مهم عشان الحشو موش يخرج واقفلها جامد انا تقريبا كان فى قطه بجبسها ههههههه
هكمل المشاركه الجايه طريقه التسيوه والصوص مواضيع هذا القسم برعاية
loly 2024 loly 2024 757711_1.gif سوبر فتكات Fatakat 757711 الجيزه – مصر
سبحان الله و بحمده