لقيت اخت عزيزة كاتبة طريقة مختلفة شوية عني للفراخ بالزبادي فقلت اعملها في موضوع مستقل عشان الاستفادة تعم
هي الطريقة دي كمان بتنفع اوي في الوراك
الطريقة:…
* بتجيبي وراك او فرخة كاملة عادي وطبعا تتغسل وتتنقع في مياه وملح وليمون
* بتبشري بصلة كبيرة حسب الكمية يعني ومعاها ثمرة طماطم برده مبشورة او تضربيها في الكبة نص ضربة ..
* وتقلبيهم علي بعض وطبعا تنزلي بملحك وفلفلك وبهاراتك المخصوصة …
وطبعا بتجيبي علبتين زبادي وتقلبيهم مع بعض
شكرا للبنات اللي فكرتني معلش عشان عمر ابني كان علي ايدي
* انا اوقات باعصر ليمونة او شوية خل عليهم برده…*تجيبي بقي الخلطة دي وباديك الحلوة تحشي بين الجلد واللحم
"عشان كدة بقلكم تنفع اكتر في الوراك"
*تفضلي تحشي كدة وترصيهم في الصينية " يفضل صينية ليها ارتفاع واطي زي بتاعة البيتزا "وباقي الخلطة بقي تروحي مغطية بيها الفراخ
انا عن نفسي بجيب صاج الفرن الكهربائي وافرش فيه ورقة فويل وارص الفراخ عشان معظم الوقت باعملها في العزومات
*ادامك حلين للتسوية
اولهم : شوية مياه وتسويها الاول من فوق وبعد كدة تدخليها الفرن تاخد لون
تانيهم : وانا باعمله عشان ماليش خلق الصراحة واستخدم البوتاجاز من فوق في اكلات تانية
ادخلها الفرن واتابعها تاخد فترة اطول شوية وممكن في الاخر لما تستوي تشغلي الشواية تحمر شوية
بس وبتبقي تحفي وبزود في الخلطة بتاعتها لاني انا واخواتي بنحب ناكله بالارز جدااااااا
معلش سامحوني عشان موضوع الصور بس انا حاولت اشرح بالتفصيل يعني
وبالف هنا وشفا مواضيع هذا القسم برعاية
ام ملك علواني ام ملك علواني فتكات هايلة Fatakat 557354 اسكندرية – مصر
سبحان الله و بحمده