حبايب قلبى الفتوكات عسليات فتكات وحشتونى جدا ووحشتنى ردودكم وتقييماتكم
اللى زى السكر زيكم بدون رغى كتير
انا وعدتكم من قبل لما عملت الرز البخارى انى هاعملكم الكبسة بالطريقة الصح
والبهارات التمام وزى ما الكتاب قال
اول شىء عاوزين نعرفه هو انك لازم تعمليها زى ماهاقولك ولا تنقصى بهار واحد لانه
بيفرق فى الطعم
اول حاجه صورة جماعية تشويقية تعذيبية بيتنجانية ههههههههههه
اول شى المنيو كان
*دقوس بارد (سلطة الكبسة الخاصة)
*سلطة زبادى بالخيار
*منتو حجازى(نوع من انواع المعجنات )
الـــــكـــــبــــســـــــة
* فرخة مقطعة نصفين بالطول
*نصف كيلو رز بسمتى مغسول ومنقوع نصف ساعة فى مية دافية وملح
*بصل مقطع صغير _تلات فصوص توم مقطعين_جزرتين مبشورين
*نصف حزمة كسبرة خضرة مقطعة صغير_بشر برتقالة (وده مهم)
*فلفل حراق زى ماتحبى صحيح بدون تقطيع _تلات معالق كبيرة صلصة طماطم _طماطماية مقطعة مكبات
مكعبين ماجى
ودى المكونات
ودى صورة بتوضح البهارات المستخدمة حاولى تشترى من كل حاجه لوحدها ماتروحيش للعطار وتقولى عاوزة بهارات الكبسة لانه فى مصر بيديكى حاجات بسيطة مش كلها
وخصوصا …..نجان وورق الشيبة
البهارات المطحونة هنا نص معلقة صغيرةزنجبيل ونص معلقة بهارات مشكلة
معلش بقى نسيت اصور الفراخ والرز
الـــــطـــريــــقــــة
فى حلة فيها معلقتين زبدة او سمنة وفنجان زيت هانشوح البصلة والتوم
ولما يصفر ننزل بالجزر ونشوح دقيقتين ليه بقى؟؟
لان الجزر بيكرمل وبيدى طعم جميل للاكلة وبعدين ننزل بالفراخ ونشوح دقيقتين وننزل بالصلصة والطمطماية
المتقطعة (ممكن نستغنى عنها )والكسبرة الخضرة وبشر البرتقالة(ممكن بشر لمونة)بس البرتقال افضل
والفلفل الحراق ماتقلقيش مش هايخلى الاكل حراق بس بيدى طعم جميل قوى واللى بيحب الحراق ياكل عادى
البهارات بقى هاننزل بــ( القرفة والزنجبيل واللمون و…..نجان والبهارات المشكلة ومكعبين الماجى وورقتين اللورا )
على الفراخ
وباقى البهارات هاقولكو تعملو ايه فيها بعدين
ودى الصور اللى بتوضح
هنا البصل والتوم والجزر مع بعض
البهارات الباقية بقى يا اما تحطيها فى شاشة نضيفة عندك تقطعيها على شكل مربع
يا اما تحطيها فى دى ويارب تلاقيها عندك فى السوق
بتحطى فيها الكسبرة والفلفل والكمون الصحيح والحبهان والقرنفل وورق الشيبة
لو قماش تربطى كويس قوى وتسقطيها فى الحلة
انا استخدمت دى
طبعا هنا شايفين كمية المية مغطية الفراخ نملح الاكلة ونسيبها عشر دقايق على نار عالية وبعدين نوطى ونسيبها لما تستوى
هنا استوت وطلعتها على تيفال ودهنتها ببودرة زعفران مع معلقة زيت مش عندك ممكن صلصةطماطم
الشوربة بقى اللى باقية من تسوية الفراخ هاننزل بالرز عليها والمية تكون مغطية الرز يعنى تحطى المعلقة الكبيرة ماتشوفيش الجزء اللى بيشيل الاكل فى المعلقة
وتغلى خمس دقايق وتوطى ولما يشرب ميته توطى خاااااااالص وتسيبيه لما يستوى
استوى خلاص تتطفى علية وتسيبيه خمس دقايق متغطى علية علشان الحباية تطووووووول
الرز استوى والفراخ اتحمرت نغرف بقى ونرش مكسرات انا حطيت لوز محمص فى الفرن وخيار ولمون وادى النتيجة
نيجى بقى للسلطة بتعتها وبجد روعة وتنفع مع اى اكل كفاتح شهية
دقوس بارد (سلطة الكبسة الخاصة)
المكونات
الطريقة
بالمبشرة او الكبة بس انا بقى بوظت الكبة بتاعتى اتحرقت عاااااااااااااااااااااااااااااااااا
وعملت بالمنقذ الجبار خخخخخخخخخخخخخخخخخخخ المبشرة الصغنونة ربنا يكرمها ماما ادتهالى وانا فى
مصر وكنت باتريق عليها بس نفعتنى عندى واحده كبيرة بس باستسهل دى
هاتبشرى كل المكونات وتقطعى الكسبرة الخضرة صغنونة خالص
وتقلبى وتحطى ملحك وبس خلاص
وماحدش يدعى عليا من الحراق اللى عاوزة فلفل رومى تحط عادى
مواضيع هذا القسم برعاية
امانى جميلة امانى جميلة 293909_53.gif برنسيسة فتكات Fatakat 293909 جدة – السعودية(الغربة)