السلام عليكم ورحمة الله وبركاته
ازيكم يا اخواتى الفتوكات الكرام انا عملت النهارده كبده بانيه وحبيت انكم تشاركونى فيها فصورتها وقلت احطها فى المدونة علشان لو حد حابب يعملها وهى طبعا عمايل ايديا وحيات عينيا ما اقولكوش
اتفضلو الطريقه
1
2
3
هقول اهوه مستعجلين على ايه يلا بينااااااااا
اولا نعمل تتبيلة الكبده وهى بصله وطماطمايه وربع كوباية خل تقريبا وثوم وملح وفلفل وكمون وفلفل اخضر دقيته مع الثوم وادى الصوره
وثانيا نطحن التتبيله فى الخلاط ونتبل بيها الكبده واحده واحده وادى صورة الكبده بعد ما تبلتها ونحطها شويه فى الثلاجه يجى ساعه كده واللى مستعجل بلاش
نجيب دقيق ابيض ونخلط عليه بقسماط وانا حطيط عليهم بواقى كيس لخلطة الشاورما كان عندى بدل ما املحهم وقلبتهم على بعض
وبعدين بقه يا حبايبى نجيبالكبده ونحطها فى الدقيق ونكبسها كويس ولازم يكون الدقيق كثير (كده)
لحد ما نخلص الكميه كلها على بعض
بعد كده ممكن برده اللى مش مستعجل يحطها فى الثلاجه شويه انا عن نفسى ما حطيتهاش
وبعدين نحط الطاسه على النار وفيها زيت غزير ونسخنه ثم نضع فيه الكبده واحده واحده
ولما تحمر وتبقى لونها ذهبى محمر نطلعها من الزيت ونصفيها كويس
لحد ما نحمر كل المقدار اللى عندنا وبعد كده نبشر جزر بالمبشره علشان الزينه وكمان نقطع طماطم مدورات ونزين بيها الكبده
وبالهنا والشفا على قلوبكم يارب
مستنيه ردودكم الحلوه مواضيع هذا القسم برعاية
متفاءله جدا متفاءله جدا 171437_5.gif فتكات هايلة Fatakat 171437 القاهره – مصر