كتف خروف ضاني مشوي في الفرن من مطبخي بالصور
لو عندك عزومه وعايزه حاجه شيك ومفتخره وسريعه جداا يبقي مافيش اسهل من انك تجيبي فخده او كتف ضاني وتتبليه من بليل وتاني يوم تحطيه في الفرن
انا بحب الكتف عشان نسبة الكوليسترول فيه اقل من الفخد
نجيب الكتف ونغسلها كويس ونعمل فتحات صغيره بالسكينه ونحط جوه كل فتحه فص توم صحيح وحتة بصله
وفلفل اسود حب
وممكن نعمل شقوق بالسكينه زي الجيوب ونحط جواها الحاجات دي
وندهنها بالبهارات المشكله من بره
زي الشكل ده
ندخلها التلاجه وقبل معاد الاكل ب 3 او 4 ساعات نغلف الصينيه بالفويل
وندخلها الفرن لمدة 3 ساعات وفي نص المده يعني بعد مايعدي ساعه نص نحط جنبها خضار متقطع كبير
انا حطيت بطاطس وجزر وقرنبيط
ونشيل الفويل قبل ماتخرج بنص ساعه
وبسسسسسسسسسسس
وطبعا من غير اي دهون خالص كفايه الدهون اللى فيها
ولما تخرخ من الفرن نسيبها ترتاح ربع ساعه علي الاقل وبعدين نقدمها
يارب تعجبكم مواضيع هذا القسم برعاية
Mannon Mannon 340024_2.gif ممنوعة من المشاركة Fatakat 340024 ………. – ………….