السلام عليكم يا فتوكاتى:
ازيكم وحشتوووونى طبعا كل الفتوكات المتجوزين عارفين المشكلة دى واللى لسة فى بيت اهلهم زيي شايفين مامتهم بتعانى المشكلة هتقولو لى هى اية المشكلة
هقول لكم سؤال كل يوم بليل هناكل اية بكرة او هنطبخ اية بكرة وطبعا الاكل بيتكرر
وحاجة تزهق خدوا بقى الطريقة دى سهلة وسريعة وكمان حلوة اوى
المكونات:ارز بسمتى , فراخ بانية (صدور فراخ),بصل, وبهرات, شوربة,الكمية طبعا حسب العدد كل واحدة عارفة هى بتعمل رز قد اية وكمان البصل بيكون على حسب كمية الفراخ هتفهموا اكتر دلوقتى
الطريقة:
تقطعى الفراخ البانية مكعبات صغيرة طبعا وهى لسة ناية,وتخرطى البصل وتحطية فى الحلة ويكون فيها سمنة طبعا او زيت حسب كل واحدة بتحب اية وتسيبى البصل لما يبقى لونة ذهبى كدة وطبعا تحطى الفلفل الاسود والملح بس متكتريش الشوربة
يكون فيها ملح ,بهرات الفراخ او اى بهرات عندك,وشوية جنزبيل مطحون على طرف المعلقة كدة,
ولما يوصل البصل للون الذهبى تحطى مكعبات الفراخ وتفضلى تقلبى تقلبتين تلاتة لحد ما تحسى ان الفراخ ابيضت شوية يعنى تتشوح شوية, وبعد كدة تحطى الشوربة وتسيبى الفراخ تغلى فيها لحد ما تستوى , وبعد كدة نحط الرز ونسيبة لما يستوى برضو
وقبل ما يستوى بشوية صغيريين تجيبى شوية شوربة صغيرين فى كباية وتحطى عليهم شوية كركم تحطية على الرز وتقلبى
وبكدة تبقى الاكلة خلصت وبالهنا والشفا عليكم يا حبايبى
يارب تعجبكم
اة قبل ما امشى طبعا الشوربة هنسوى فيها الفراخ وبعد كدة الرز فزودوا المقدار شوية يعنى لو كبايتين رز حطوا 3 شوربة لان الفراخ هتاخد منها وطبعا اللى بيطبخوا هيفهموا بالنظر هى كفاية ولا يزودوا
باللة عليكم اللى تعملها وتطلع حلوة تعرفنى وياريت تقييم نفسى اعرف انا بفيدكم ولا وجودى زى عدمة
واللة بحبكم فى اللة مواضيع هذا القسم برعاية
MuLaN MuLaN 202438_64.gif فتكات رائعة Fatakat 202438 بيتى مع جوزى حبيبى اخيرا – egypt