بعد تفكير طوووووووويل اطبخ ايه..اطبخ ايه الحمد لله ربنا وفقنى
انى اعمل سبانخ باللحمة وطبعا كلنا عارفين ان كلها حديد ومغذية جدا
هدخل فى الموضوع على طول
نبدا بسم الله
المقادير لحمة شمبرى اواى نوع تحبيه وممكن نعملها من غير لحمة خالص
سبانخ – كسبرة خضرة- نعناع اخضر او يابس- طماطم مضروبة فى الخلاط-
بصل مقطع صغير- حوالى معلقة رز صغيرة
توم مفروم حوالى 5فصوص- زيت او سمن- ملح- فلفل اسمر
نقطع السبانخ بالسكينة قطع كبيرة مع الكسبرة والنعناع ونعسلها كويس جدا
كذا مرة عشان الرمل اللى فيها
نقطع البصل والتوم ونحطه مع السمن على النار ومعاهم مكعبات اللحمة
وشوية فلفل اسمر واحمرهم لحد متنشف مية اللحمة واضيف عصير الطماطم
والملح والرز واسويهم مع بعض لواحتاجت مية ازود شوية صغيرة ولما
تستوى اللحمة وتتسبك كويس احط السبانخ
تعالوا نشوف الصور
دى السبانخ والكسبرة والنعناع بعد متغسلت واتصفت كويس
هنا اللحمة مع البصل
نحط الطماطم والتوابل
بعد متتسبك احط السبانخ
وهنا خلاص خلصنا وهنغرف و ناكل
انا بحب اكلها بالعيش بس الاولاد بالارز فعملتلهم رز بشعرية
وكمان طبق بدنجان صغنن لجوزى حببيبى
ايه رايكم مش وصفة سهلة
ياريت تجربوها والله طعمها تحفة
اوعوا تنسوا التقيم وطبعا دعوة حلوة ::
مواضيع هذا القسم برعاية
توتة 74 توتة 74 22074_7.gif فتكات هايلة Fatakat 22074 الاسكندرية – مصر