ازيكم يافتوكات يارب الكل يبقى بخير
قبل اى حاجه احب اشكر كل مشرفات اقسام الطبخ على افكارهم الجميله دى وجزاهم الله كل خير
موضوعى النهارده مشاركه مع
واشكر المشرفه الجميله princess Rosha على الموضوع الجميل ده ويارب يعم الفايده على الكل يارب
موضوعى محشى الكرنب
بس انا بعمله نى فى نى وبزيت ذره وبتكات امى ربنا يخلهالى الى بيخليه ينطلب منى بالاسم هحطها باللون الاحمر
بسم الله نبدا الخطوات
بجيب الكرنب بسلقه فى ميه من غير اى اضافات وقطعه بالشكل ده
وبعدين الخلطه بقطع البصل واحط على كمون ناعم وفلفل اسمر وكزبره مطحونه وملح ومعلقه شطه حمرا ومعلقه كبيره صلصه و شويه زيت ذره وقلبهم مع بعض كويس
وبعدين احط الرز عليهم والخضره بحط بقدونس وشبت وكسبره خضره ومعلقه نعناع ناشف ناعمه
واقلب كله مع بعضه واهم تكه الى تخلى الطعم تحفه حبيتين طماطم مبشورين طبعا المبشره بتفصل القشر واحطهم على الخلطه
وبعدين نقلب كله وتبقى الخلطه جاهزه للحشو
ودى صوره بعد ماحشيت والحله كملت
وبسقيه من الشوربه الى عندى واسويه
وده الشكل النهائى للمحشى بعد ماغرفته مع باقى الاكل
يارب وصفتى تعجبكم ومش عاوزه غير دعوه بظهر الغيب ربنا يرزقنى باخ لبنتى
مواضيع هذا القسم برعاية
حنينه الجميله حنينه الجميله فتكات رائعة Fatakat 1041082 القصيم-بريده – مصر