ازيكم يا فتوكات يا قمراات ايه اخباركم واخبار الاجازه طبعا مفيهاش راحه الولاد مجنني سواء اجازه او دراسه مفيش فايده
النهارده هقولكم علي طريقه سهله لحشو ورق العنب طبعا اللي بيدوخنا ويضيع نص الوقت في لفه
اكيد فيكم يا فتوكات الاشطر مني الف مره وعارفين الطريقه بس ممكن بردو حد مبتدئ مش عارفها فقلت افيدكم زي ما بستفيد منكم دايما
طبعا اولا احنا بنسلق ورق العنب في ماء وشويه ملح وشوية زيت
بعد كده بنشيل العروق بتاعته بالمقص ومش نرميها احنا هنفرشها في الحله من تحت علشان نرص عليها المحشي ودي احسن طريقه تخلي ولا واحده محشي تلزق في الحله واخر صف بيبقي ماسك نفسه وزي الفل
طرقة اللف بقي انا بجيب صينيه كبيره وارص فيها الورق حوالي 10 ورقات وعلي حسب حجم الصينيه وبعدين اوزع الحشو فيهم كلهم وبعدين الف كلووو وفي الاخر ارصهم في الحله اللي هسويه فيها والصور هتوضح الطريقه
دي طريقة رص ورق العنب في الصينيه
وده بعد ما رصيت المحشي في الحله
وصوره كمان والمحشي مرصوص في الحله
ودي المحشي بعد ما استوي
يا رب تكون الطريقه عجبتكم بصراحه بتوفر لي في الوقت لان ظهري فيه مشكله وبتعب اوي لما بقعد مده الف في المحشي
ودي بقي صينيه بسبوسه لزوم التحليه
معلشي يا بنات لان الصور احجامها مختلفه اصل الموبايل فصل شحن وصورت بواحد تاني
ياريت اللي يعجبها الموضوع تدعيلي دعوه حلوه ربنا يهديلي ولادي ويحفظهملي من كل سوء
في امان الله
مواضيع هذا القسم برعاية
manmona57 manmona57 85285_2.gif فتكات رائعة Fatakat 85285 cairo – egypt