البصاره
هى اكله قديمه كانت جدتى بتعملهالى وعمرى ماعملتها قولت اجرب ياله اهو تغيير وسمعت انها صحيه جدا ومفيده
المهم ندخل بقه على المقادير
نص كيلو فول مجروش
2 طماطم
3بصله
6 فصوص توم
بقدونس
وادى صور للمكونات والفول عشان اللى عايز يشترى يعرف شكله
وادى صورة الفول بعد ماغسلناه وهنحط عليه المكونات دى
ودى صورتهم كلهم لما حطيتهم على النار ونسيبهم بقه لما الفول يستوى تماما
وادى صورته لما استوى وبنعرف ازاى نطلع الفول ونشوفه لما يكون مستوى خالص يبقى كده خلاص
وبعد كده نصفيه على مصفا او حطيه فى الخلاط زى ماتحبى وده شكله لما صفيتها
بعد كده هنجيب بصلة وخليكم فاكرين احنا حاطينا واحده فى الاول ودى التانيه والتالته خليها هنحتاجهالسه هنقطعه ونحط علين شويه زيت صغيرين وندبله على النار
وبعدين نحط التوم المفروم عليه لما يدبل شويه ونحمرهم سوا
وبعدين نحطهم على البصاره وانا كنت حطاها على النار تغلى وملحتها على البصل ماخلص ونقلبهم سوا ونسيبهم ياخدو غلوتين كده على النار وبعدين نطفى
وبعدين نحمر البصله الباقيه عشان نحطها على وش الطبق
والكميه دى عملتلى طبقين واحد كبير وواحد صغير اللى عاوز يزود براحته وادى الصوره النهائيه للطبق وقدمت معاه بصل بالخل واللمون وفلفل اخضر
مواضيع هذا القسم برعاية
hana.dody hana.dody images/bigsmilies/mood7.gif فتكات هايلة Fatakat 529669 hawally – kuwait
سبحان الله و بحمده