تعالووووووووو بسرعه انا عملت امبارح اكله تجنن تجنن والله ومش مكلفه وفى نفس الوقت طعمها خطيرررررر جدا جدا شبه الفراخ البانيه بس بتقرمش كده وتتقطم
فى الحقيقه بابا كان من فتره جابلنا فى ايده كيسه انا كنت اول مره اشوف محتواها فى حياتى
ولما سألناه ايه ده قالنا عيش الغراب وبصراحه ماما عملتهولنا فى نفس اليوم واكلت منه ومن وقتها وانا عاشقه للوجبه دى
بصراحه انا معرفش بيتباع فين بس لان والدى بيشتغل فى كليه الزراعه فبيجبلنا من هناك
المهم تعالو نشوف الطريقه مع بعض وبعدين اكلمكم عن فوايده اللى مكنتش اعرفها وحبيته اكتر من خلالها
وطريقته سهلللللللللللللللللللللللللللللللللللللللللللللللل للله
اولا المقادير لاربع اشخاص
من نص كيلو لكيلو الا ربع عيش غراب
كوب ونص دقيق مخلوط عليهم كوب ونصف بقسماط وممكن بدلهم فجيتار
كوب كريمه لبانى *اختيارى*
3 بيضات
بصله كبيره ممكن جزره بس انا محطتش
كرفس وحبهان وورق لورو
ملح وفلفل
الطريقه
اولا ده شكل عيش الغراب انا مصورتوش قبل السلق لانى مكنتش حاطه فى راسى انى اصور الطريقه وبعدين فجأه جيتو فى باالى فصورت باقى الخطوات
دى صورت عيش الغراب بس من على النت
اول حاجه هنجيبه لو كانت الزهره على بعضها نجزئها ونفصصها ونجيب حله على النار فيها مايه بتغلى وفيها بصل وكرفس وحبهان وورق لورو وكوب كريمه لبانى وملح وفلفل ونسقط فيهم عيش الغراب ونسيبه ياخد غلوتين يعنى بالظبط 5 دقايق على النار
نطلعه فى مصفى وده شكله بعد ما اتسلق
نحضر طبق فى 3 بيضات وعليهم رشه ملح وفلفل وطبق تانى فيه الدقيق بالبقسماط وممكن تحطو عليه شويه شطه للى بيحب السبايسى او الفجيتار لوحده
فى الصوره هنا دول بيضتين بس مكفوش وحطيت كمان بيضه
وبعدين نستخدم الطريقه التقليديه فى القلى
عيش الغراب فى البيض ومن البيض للدقيق والبقسماط ومن الدقيق والبقسماط للزيت
وده الشكل النهائى للطبق
فى الحقيقه طعمه رائع رائع راااااااااااائع واكلناه مع مكرونه وبطاطس وسلطه مش قادره اوصفلكم اد ايه الكل كان مستمتع بالاكل
يلا بقى مستنيه ردودكم وتشجيعاتكم ليا
اه وقبل ما انسى انا هنقلكم فوايد عيش الغراب هنا
إن قيمة عيش الغراب الغذائية عديدة ومتنوعة، ويكفي أنه يحتوي على الأحماض الأمينية الأساسية التي يحتاجها جسم الإنسان وهي موجودة بشكل طبيعي بجانب الفيتامينات B,C,d.
وقد كان يصنف عيش الغراب من الأطعمة الفاخرة، لكن نتيجة لارتفاع أسعار اللحوم بدأ يندرج ضمن وجبات الطبقات الفقيرة وكضيف دائم وبديل للبروتين الحيواني المفقود، كما يحتوي على جميع الأملاح المعدنية والبوتاسيوم والفوسفور والماغنسيوم والحديد بالإضافة إلى بعض الفيتامينات المهمة والأحماض، مثل الفوليك، كما أن نسبة البروتين به نحو 3,5% وهو طازج وترتفع النسبة إلى 35% للجاف ويتميز بخلوه من الكوليسترول، كما أثبتت أبحاث علمية حديثة أنه مضاد للسرطان.
ويطلق عليه, الفطر أو عيش الغراب, عش الغراب, كما يطلق عليه أيضا المشروم .
ويرجع سبب تسميته بعيش الغراب إلى أن أشهر أنواعه تشبه رغيف الخبز, وإلى أن طائر الغراب كان يتغذى عليه, لهذا أُطلق عليه عيش الغراب, وهناك بعض الأقوال التى تقول بأنه أطلق عليه هذا الإسم لأنه كان غريبا فى شكله الذى يشبه رغيف الخبز
وعادة ما يوضع في مملكة منفصلة عن النبات والحيوان، فهو لا يحتوي على الكلوروفيل الذي يستخدمه النبات في طعامه من خلال عملية التمثيل الغذائي، ولكنه يعتبر من المترممات التي تعيش على تحلل الكائنات الميتة.
ويتكون عيش الغراب من جسم يسمى بـالميسيليوم، وتحتوي ثمرته على بذور تسمى حويصلات، كما أن جسمه يخزن المواد والمركبات الغذائية لإنتاج ثمرة عش الغراب حينما تكون الظروف مناسبة. كما أنه يتنفس كالإنسان ولكنه بلا رئتين.. فهو يقوم بعملية تبادل الغازات مع الهواء الخارجي.. وهو يغرق كما يغرق الإنسان إذا غطس تحت الماء، حيث لا يستطيع استبدال الأكسجين وتنمو البكتيريا اللاهوائية، وهو كغالبية الكائنات الحية، ينمو في بيئة دافئة.. فالماء القليل أو الرطوبة العالية قد يتسببان في قتله. مواضيع هذا القسم برعاية
do3a2 elsawy do3a2 elsawy 60434_7.gif سوبر فتكات Fatakat 60434 فى قلب جوزى حبيب قلبى – مصر