السلام عليكم ورحمة الله وبركاته
امبارح كنت عازما حمايا وحماتي وأخو جوزي ومراته وكنت محتاسه جداً والوقت كان ضيق لاني كنت عامله أصناف كتير بس الحمد لله عدت على خيييير انا بقالي تلات ايام بذاكر من فتاكات عشان آكلي يطلع حلو وكنت عايزه اعمل أصناف معملتهاش قبل كده والبركة فيكم وفي كل واحده أدتني نصيحه ربنا يجازيها خير انا هقولكم الأصناف اللي عملتها واعذروني ملحقتش أصور الأكل لاني كنت مزنوقه جداً في الوقت واللي عايزه طريقة حاجه تقولي وأنا في الخدمة وتحت أمركم نبدأ باسم الله
شورية لحمه وممكن تعملي لسان عصفور بس انا ملحقتش للأسفسمبوسك بالحمه المفرومه وكنت عايزه أحشيها جبنه برده بس ماكنش فيه وقت وأنا جبتها جاهزه وحشيتها على طول لاني خفت اعمل العجينة متطلعش حلوه ودي اول مره اعملها
رز بالخلطة بالكبد والقوانص
جلاش بالحمه المفرومه
فراخ مشويه في الفرن
كفته صنيه وحرمت وشها في الفرن
صينية مسقعه بالحمه المفرومه
محشي ورق عنب
وسلطه خضرا ومخلل
وعملت خشاف وليموناده ساقعه
وآيس كريم فراوله وشيكولاته ومانجه قلت تغير يعني وحذيت تفاح مقطع في الطبق من تحت وعليه الأيسر كريم وممكن تزويقه بجوز الهند والمكسرات والزبيب
وفي الآخر كنت جايبه تورته حلوه عشان عيد ميلاد حماتي وهي فرحت قوي لان احنا فاجءناها
وكان والله يوم جميل بس انا تعبت قوي بس مافيش احسن من اللمه
وكل سنه وانتم طيبين مواضيع هذا القسم برعاية
royal girl royal girl images/flowersavatars/avatar0030.jpg فتكات متميزة Fatakat 502452 طنطا – مصر
سبحان الله و بحمده