يلا يا بنات جبتلكم السمنة البلدي طبعا حوشت شوية قشطة بس مش كتير علشان البنات طلبوا السمنة مني كذا مرة فأول ما جمعت كمية تنفع تتعمل سمنة عملتها على طول علشان حبايبي هي دي الكمية مش كتير والاصفر ال معاها دي معلقة قشطة بس بقري+ نص معلقة ملح صغيرة حطيتها في الكبة بالمضرب الشبك مش بالسكينة أو بالمضرب العادي والمقصود من الحركة دي انها تنزل كمية مية وما تقعدش كتير على النار شوفوا كمية المية ال نزلت منها بعد الضرب ومش بتاخد دقيقة او دقيقتين بعدها بنحط القشطة في الحلة على النار القشطة بتسيح وبتبأي زي اللبن اول ما تغلي بوطي النار وبحط شياطة الرز وبسيبها براحتها بصوا هنا السمنة خلاص بأت على الوش في المرحلة دي برش لكمية القشطة ال عندي 1/2 معلقة صغيرة دقيق على الوش بصوا ازاي اخدت الشوائب ( المورتة ) ال فوق الوش ونزلت تحت بجيب مصفا واصفيها عن المورتة واحطها في برطمان زجاج بصوا كمية القشطة ال عندك يطلعلك نصها سمنة وتقريبا ربعها مورتة اخدت المورتة وضربتها في الكبة وهي دي النتيجة السمنة والمورتة ودي السمنة البلدى لما ربطت طبعا انا عاملة كمية صغيرة لاني كنت لسه عاملة قريب عادةً انا بعمل كمية اكبر من كده مواضيع هذا القسم برعاية قمر الزمان22 قمر الزمان22 فتكات رائعة Fatakat 132192 رشيد – مصر
