السلام عليكم يا فتوكات يا حلوين
دة اول موضوع ليا فقسم الطبخ ويارب يعجبكم انا جايبالكم النهاردة محشى الفلفل واطماطم بالطريقة اليونانية الحقيقة هما معندهمش اكلات مميزة لان تقريبا اغلبية اكلهم زينا
واحنا فمصر بنعمل الطماطم والفلفل برضو بس الطريقة تفرق حاجة بسيطة
يلا بسم الله نبدا من غير رغى
قبل ما نبدا لازم نولع الفرن يسخن على حرارة 250
اول حاجة طبعا جيبنا الطماطم والفلفل ورصيناهم فى صينية
رصينا طيب يلا بقا نفتح الفلفل والطماطم وهنحتفظ بالبرنيطة عشان نغطيهم بيها
بس طبعا هنشيل البذر نقطع بس البذر حوالين داير من غير ما نقطع البرنيطة
الطماطم بقا لازم تبقا ناشفة وياريت لو تبقا كبيرة وماسكة نفسها عشان لما تفضيها متتهريش
قطعنا بس الطربوش دايرة مش نقورها وبعدين نجيب المعلقة وبالراحة نشيل اللى جوا
ومنشيلش اوى عشان متتهريش لا بس كدة داير ما يدو لازم تبا ماسكة نفسها وفيها لحم
كدة
اللى يطلع منرميهوش لاء خلية
اهو
طيب خلصنا خلاص كل الفلفل والطماطم هاتى يلا اللى طلع من الطماطم واضرية فالكبة مش كتير لازم يبقا فية حتت صغننة
كدة
هوة دة اللى هنسوى بية المحشى مفيش تسيبكة هنا
طيب واية كمان البصل والشبت وانا حطيت فلفل اخضر مولعععععععععع عشان بنموت فية
حطيهم يلا على عصير الطماطم اللى عملناة دة
واية كمان ونص كباية زيت ل كباية الا ربع كدة اية مش كتير
لا والله ابدا هتجربى ان شاء الله وتدعيلى انا بستعمل زيت زيتون وانتى بقا براحتك بس هو اللى بيديها طعم
اهو
معلش الصورة طلعت مقلوبة ملحقتش اعدلها
يلا بقا
كدة
انا لقيتها فاتحة حطيت شوية صلصة بس لو القوطة كويسة مش مهم وطبعا انتى براحتك انا محبوش فاتح كدة الرز بقا قد الزيت يعنى مش كتير عشان اساسو الزيت وعصير الطماطم وهينفش كمان كتير
اهو
يلا بقا ملحك فلفلك بهارك توابلك زى ما تحبى
بس كدة اييييييييييييييييون بس المحشى دة ميستويش بمية ولا بشوربة زيت واللى طلع من القوطة بسسسسسسسسسسسسس
يلا بسم الله نملا
لحد النص بس ولازم توزعى يعنى كل فلفلاية وقوطاية تاخد عصير ورز كويس مش واحدة مليانة مية والتانية رز بس
خلصناهم
طيب رشى شوية زيت معقولين كدة فالصينية بمعلقة يعنى فقعر الصينية وتعالى يلا عالفرن
سيبية ربع ساعة وبعدين هدى علية على حرارة 180 وسيبية ورحى انتى بقا ظبطى امورك شوفى هتعملى اية الراجل ياختى زمانو جاى
ساعة تقريبا وانتى برضو ونظرك ابقى شقى علية
واهووووووووو وصل 
هو مش محروق من تحت بس طبعا لازم يغمق بما انو مفيش حاجة تسوية بس المحشى سليم متخافوش
ادينى طلعتلكو كدة عالماشى اصل الراجل لسة مجاش فلسة مغرفتش انا قلت بس تشوفوا
اهو جميل وبيطلع مفلفل واهو برضة تغيير عن المحشى العادى ومحشى الطملطم مش عاوزة اقولكم انا واول ما شوفتوا قلت لاء مبحبوش بس والله لما اتعودت علية بقيت اكلو واسيب الفلفل
زهنا بياكلوا جنبوا جبنة بيضا وانا كمان عملت طاجن كفتة بالفريك بس ملحقتش اصور تانى عشان الواد ابنى عمال يزن وبالهنا والشفا مواضيع هذا القسم برعاية
صلوا على سيدنا المختار صلوا على سيدنا المختار 184891_13.gif فتكات هايلة Fatakat 184891 فى قلب وحب جوزى وحبيب عمرى – فى نعمة وفضل من ربنا