السلام عليكم
ده اول موضوع اعمله فى فتكات بس بسراحه انا بحبها جداااااااا واستفدت منها كتير
عملت تشكن زنجر والفضل للشيف نبيل الشرقاوى على قناه نور الدنيا وبصراحه طلعت رائعه
زى كنتاكى واحلى وعجبت زوجى والاولاد جدااااااااا
وربنا يكرم الشيف نبيل لانه انسان محترم وبيشرح بالتفصيل
اسيبكوا مع الصور ومتنسوش التقيم
الطريقه
فراخ بانيه بس سميكه شويه وتغسل كويس ثم تتبل بملح وفلفل اسود وتجيبى كميه دقيق حوالى نصف كيلوا وتحطى عليه معلقه بيكنج بودر ونصف معلقه بصل بودر ونصف معلقه زعتر بودر ونصف معلقه توم بودر ونصف معلقه لورى بودر وملح وفلفل اسود وطبق فيه ميه ساقعه جداااا تحطى قطعه الفراخ فى الدقيق مع دعكها كويس ثم فى الميه ثم فى الدقيق تانى مع الدعك مش الضغط عشان تعمل معاكى كتل صغيره وتقلى فى زيت حامى وبالهنا والشفا
صوره كمان
وده لاول رد وادعولى ربنا يصلح حالى
مواضيع هذا القسم برعاية
ام محمد 2024 ام محمد 2024 50206_2.gif فتكات رائعة Fatakat 50206 الاسكندريه – جمهورية مصر العربيه