السلام عليكم ورحمة الله وبركاته
صلوا على سيدنا محمد ..اللهم صل وسلم وبارك على سيدنا محمد
وعلى آله وصحبه اجمعين
نبدأ العك بقى ههههههههههههههههههه
بصوا انا اول مرة فى حياتى ادخل قسم المطبخ دة ..وقولت عمرى
ماهادخله الا وانا .. احم احم عاملة طبخة محترمة
طبعا ماعملتش وشكلى مش هاعمل اصلاا ههههههههه .. ماليش فى الطبخ .. 
قولت اشوف حاجة بسيطة واعملها ..
فكرت فى السمبوسة وقولت اشوف مكوناتها واجربها .. طبعا لاقيت مكونات كتير واخترت اسهل واحدة
ودى المكونااااااااااااات
انا طبعا علشان هاكلها لوحدى .. يادوبك عملت كوباية دقيق بس
ربع كوباية مياه او اقل ..او حسب ما العجينه تحتاج /جبنة/
معلقه زيت صوغنونة / وذرة ملح ..او حسب العجينة ماتحتاج بردو ..
وشوية الدقيق اللى ع جانب دول علشان ترشي ع العجينه
وانتى بتفرديها وماتلصقش
هاتعجنى العجينه طبعا لحد ماتبقى كدة
وبعد ماتعجنيها هاتحطيها فى كيس بلاستيك وتدخليها الثلاجة
ساعه مثلا علشان تخمر ولو مستعجله .. ابقى حطى فيها بيكنج باودر
بعد ماقعدت ساعه فى الثلاجة جبتها وقطعتها دواير
صوغنونة كدة وطبعا انا كنت مخلياها جوا الكيس وانا خرجت الكورات دول
علشان تشوفوا حجمهم قد ايه ..وبعدين هانفرد كل واحدة
وبعدين هانحط الجبنة … اوى اى حاجة تحبيها ..لحمة مفرومة مثلا
وانا عن نفسي حشيت بالانشوجة بردو وطعمها جميل اوى
وطبعا كل واحدة هاتحشيها هاتلفيها بالشكل دة
وتروحى تقليها..
كلتهااااااا بقى وايــــــــــــــــــه طعمها جميل جدا بس طبعا
اضطريت اعزم ع ماما وبابا 
ايه رأيكوا بقى انفع ولا لا ؟؟؟ ههههههههههه
تعاااااااااااااااالى انتى وهى رايحين فين
يللا يافتوكاااااااتى ياقمراااااات التقييم فى ايدك قبل ماتخرجى
مواضيع هذا القسم برعاية
اذكروا الخالق اذكروا الخالق 690951_2.gif فتكات ست الكل Fatakat 690951 الدوحة/قطر – مصر