ازيكم ياقمرات
طبعا الفول الاخضر الحراتى نشف ومابقاش اكله لذيذ وهو اخضر مع الجبنة
روحت عملته مدمس بجد طلع طعمه تحفة وخفيف وجميل جداااااااااااااااااا
نشوف صورة وندخل فى التفاصيل على طوووووووووووووووووول
اولا نقشر الفول ونغسله ونعلق عليه فى الفوالة على النار
اول مايغلى نوطى النار نخليه شعلة ونسيبه ياخد ويدى لحد مايدخل فى السوى
ابشر الجزرة واضفها اليه واغسل الرز والعدس وانزلهم معاها واقلبهم واغطى عليهم يكملو سوى مع بعض تلاقى لونه الاخضر بقى احمر جميل وريحته روعة وقوامه تقل من الرز والعدس
وخدى بالك لو الماية قلت وحبيتى تزوديه اوعى تحطى ماية ساقعة لازم تكون ماية سخنه ومغلية عشان لونه يفضل جميل زى ماهو ومايسودش منك وتسبيه على الهادى لحد مايبقى زبدة بياخد حوالى 4 ساعات فى سوى الفوالة بس بيكون زبدة وتعملى احلى طبق فول مدمس من اديكى
سواء بالطحينة والزيت والليمون والكمون او بالطماطم والخضرة باى طرقة هيبقى رائع
كدة انا خلصت بالف هنا واى سؤال تحت امركم
الموضوع لسة نازل حالا ولحقتى ياالى بتقيمى سىء تتشمللى وتدوسى على السىئ يابنتى انا مشفقة عليكى يوم القيامة كل اللى قيمتلولهم سىء هياخدوا من حسناتك ربنا ينور بصيرتك
مواضيع هذا القسم برعاية
نعمة من ربى نعمة من ربى 572666_3.gif Fatakat 572666 كفر الشيخ – مصر