بسم الله الرحمن الرحيم
السلام عليكم يا فتوكات
وحشتووووووووني موووووووووووووت
عاملين ايه في البرد ده ؟ انا عن نفسي اتصاحبت ع الدفاية
انا اولا احب اشكر كل الفتوكات اللي قيمولي و ردوا عليا و شاركو معايا بافكارهم و اللي متابعني بقى دول ليهم تحية كبييييييييييييرة و بقولكوا كلكلوا انا لولا تشجيعكوا مكنتش استمريت و اللي مش متابع بقيت سلسلة الافكار اهي
و جيتلكو النهاردة بفكرة جديدة اعتقد انها جديدة لانج .. لانها من نفوخ نفوووخاااي
من فترة حبيت اعمل تورتة حلوة و طبعا انتوا عارفين التورتة ممكن تكون باشكال كتير بس يعني لما الواحدة فينا تحب تلغوص و تمعجن و تعمل روحها فتكة اوي لازم تعمل التورتة ام طبقتين اللي محشية كريمة من جوة
و طبعا معانا جيب الحلواني و الكريمة المخفوقة و كل واحدة و ابداعها بقى
جت في دماغي فكرة اني عايزة ازين و الون الكريمة و فضلت افكر الون بايه ؟ و فكرت اجيب من عند العطار الوان صناعية المصرح بيها دي و قلت هستخدم نتفة معلش كله يهون عشان الشكل يبقى حلو و بعدين ماحنا ياما بناكل بلاوي محدش اشتكى و دي مرة واحدة في السنة و عمالة اقنع في نفسي 
المهم اني معرفتش اجيب الالوان من عند العطار و فكرت و فكرت و هوبا اللمبة نورت و قلت طب ما هي الالوان دي جل او بودرة طب مانا عندي حاجة بودرة ملونة و كلنا بنستخدمها و طعمها حلو كمان .. عرفتوها ؟؟؟؟
ايوة هو بعينه التااااااااااااانج .. الاول خفقت الكريمة اللذيذة الشهية الناعمة اللي نفسي اغوص جواها دي
و قسمتها في اطباق صغيرة و حطيتها في التلاجة شوية تمسك نفسها و بعدين حطيت على اول طبق بودرة تانج بالبرتقال و عملت اللون الاورانج و تاني واحد حطيت فروتي بالمانجا و عملت اللون الاصفر و تالت واحد فروتي بالتوت و عملت اللون البنفسجي بس كان غامق شوية و اخر واحد حطيت فيه فروتي بالفراولة و عملت اللون الاحمر انتي ممكن تعملي اصفر برتقالي احمر و تعملي الوان غروب الشمس االمهم كنت بستخدم سرنجة التزيين هتلاقوها في فتكات
و زينت بقى و زينت و عملت كل اللي نفسي فيه .. و اللون البنفسجي الغامق حددت بيه و ممكن تستخدميه في الكتابة بس للاسف نسيت اصور خالص يظهر من هول الصدمة ولا ايه و ادينا لونا بحاجات متوفرة في اي مكان في كل المحلات و السوبر ماركتات و طعمه حلو اوي كمان جربيها و ان شاء الله تنول اعجابك و انتي و ابداعك بقى و دي صورة مش بتاعتي بس عشان تتشجعي
طب فرضا فرضا لا عندنا ده و لا ده .. ايه هنقول لا حرام مينفعش منقدرش مبنعرفش ؟؟ لااااااا بصي الفكرة دي
بصي التورتة دي . مالها التورتة دي ؟؟ وحشة ؟؟ خايبة ؟؟ بتقول لا ؟ بالعكس دي تححححفة هنحط بدل التانج كاكااااااااااااو و عيشيييييييي واوعي تقولي لا
لو استفدتي قيمي و اشوفكو ان شاء الله في مرة تانية في فكرة تانية يا فتوكات
في رعاية الله مواضيع هذا القسم برعاية
رقة الفراشات رقة الفراشات 640174_1.gif فتكات هايلة Fatakat 640174 القاهرة – مصر