السلام عليكم ورحمة الله وبركاته
بصى يا ستى
هتروحى لمحل موثوث منه اللى بيبع المنتجات الغذائية " زى محل ابويه كده" هههههه
المهم
تقوليله عايزة كيلو لحمة مستوردة بس تكون كويسه
وعايزة 2 كيلو لحمة مستوردة بس تكون كويسه برضو
الكيلو الاولانى هتعملى فيه ايه ؟ هتعينيه تطبخى منه يا تقسميه على مرتين يا تلاته على حسب عددكم
التانى بقى يا ضاطرة هتعمليه كفته
طيب ما هو احنا مش بنحب اللحمه المستوردة طعمها يع يع يع وريحتها يعين
لالالالالالالالالالالالالالالالالا
هتكونى انتى شاطرة وتعملى ايه تكونى شاريه ربع كيلو او نص كيلو ليه من عند الجزار
تعالى نحسبها وبعدين اقولك هنعمل ايه فى اللحمة:
3 كيلو لحمة مستوردة 33xجنيه = 99 جنيه
نص كيلو ليه = 30 جنيه
هناخد تلات ارباع الليه ونفرمها مع ال 2 كيلو لحمة ومعاهم نص كيلو طماطم ونص كيلو فلفل او فلفله حزمتين بقدونس و كيلو بصل وملح وفلفل اسود وبهاراتك حسب الرغبه
كل ده هتفرميه فى الماكينه عند الراجل قبل ما تروحى وتديله حق الفرم 2 جنيه او جنيه
وقلبيهم على بعض وقسميهم اكياس وعنيهم فى الفريزر واوعى تستخدميهم على طول … لاء خليهم فى الفريزر حتى يوم وكل ما تقعد فى الفريزر كان افضل
وبالهنا والشفا اعملى احلى كفته على الفحم والفرن والجلاش باللحمة والرقاق وكل حاجه عادى خالص
هاخد نفسى واقولك تعملى ايه فى اللحمة الباقيه مواضيع هذا القسم برعاية
خاشعة المحلة خاشعة المحلة 583818_1.gif سوبر فتكات Fatakat 583818 المحلة الكبرى – مصر