بسم الله والصلاه والسلام علي رسول الله صل الله عليه وسلم كل سنه وانتو طيبيبن ويارب كلنا نخرج من رمضان وربنا مفرح قلوبنا يارب والي نفسه في حاجه تتحقق.
اللهم صلى وسلم وبارك على اشرف الخلق سيدنا محمد صلى الله
عليه وسلم وعلى اله واصحابه اجمعين .
* اول حاجه للشهر الكريم بجهزها بتكون من الناحيه الدينيه يعني مش كل الشهر للاكل وننسي اننا طول السنه بناكل بلاش نضيع الشهر لانها حسنات كتيرررر والحسنه بعشر امثالها
* نشتري مصاحف واسدال صلاه ونوزع علي الحبايب او نحط في المسجد او نشتر خاتم التسابيح ودا رخيص جدا وكل وحده هتستعمله هتخدي عليها ثواب
نجهز اي مكان للصلاه والعباده ونسبح ونستغفر يافتكوته الاستغفار بجد سحررر والي عنده غرفه ياريت يكون احسن انا معنديش مكان كبير وخده ركن من الغرفه المهم نحمد وشكر ربنا ونقرا قران برحتنا
وشيفين الفنوس القمور دا انا الي عملته عسل صح
* ومننساش الفقرا ياجماعه ولا الجران الي علي قد حالهم مش قصدي ان الكلام دا للاغنيه بس احنا عندنا في المطبخ زيت وسكر وتموين ولا اي حاجه عبي اي شنطه صغيره واديها لاي حد او اعملي في طبق فويل حساب وجبه لاي حد وادهاله وتخدي ثواب افطار صايم
*واحنا ريحين التراويح نشتري مايه ونوزع علي الي بيصلو في الحر دا او اشتري حلويات للعيال الصغيرين فرحيهم عشان ميعملوش وش في المسجد والناس بتصلي ولو عندك ظروف روحي برضو المسجد متكسليش ساوي الصفوف اقعدي مع العيال اي وحده مسنه نوليها تشرب او الكرسي عشان تصلي عليه
ودا شكل كرتونه المايه ورخيصه والله مش مكلفه وثوابها كبير
نجي بقي لترتيب الاكل والخضار وخلافه
البصل والتوم والطماطم نقشر ونفرمهم ونخزن في الفريزر والكرنب نخرع ونقطع ونخزن
اجيب الفاكهه الرخيصه واخزن كام نوع للعصير طبعا طبيعي احسن وارخص من الجاهز
-لحوم واسماك
اللحوم والاسماك بجيب الفراخ واقطعها واخد صدرها واعمل بيه بانيه لان الصدر بيكون ناشف في الاكل والبانيه غالي
وادي الصدور الي جمعتها من اربع فرخات عملت يجي كيلو وطبعا وفرتي في تمن البانيه الغالي
1- نبداء بلحوم بجيب ك لحمه نص مفروم ونص لحمه عاديه يوم اعمل بشمل او بتزا ادي يومين وبجيب كوارع او ممبار مره في الشهر و بجيب فرختين بيتعملو علي اربع ايام
بجيب تلات انواع سمك بلطي والبوري او اي نوع تاني باقل واوقات بلاقي سردين باخد بيعدي يوم وكدا ادي كمان اربع ايام
نقطع ونخزن اللحوم والبانيه والكوارع وكل حاجه والسمك كمان نتبل وكله علي الفريزر
ونشتري الياميش ومننساش قمر الدين والتمر هندي دول اساسي
وانا اشتريت كل حاجه من هنا
بجيب الحاجات علي تلات مرات في الشهر ولو مرتين هتوفري اكتر طبعا والعروض الحلوه خديه مش اي عروض نجري عليها وهي ملهاش فايده من كارفور او الاسكندرنيه من فتح الله.
بجيب عروض للمكرونه والرز والسكر والزيت والبهارات يكفو الشهر الكريم
نكمل باقي الموضوع ان شاء الله
اللهم ارحم امي واجعل قبرها روضه من رياض الجنه واحشرها مع الابرار وابدلها دار خير من دارها يارب العالمين وادخلها الجنه من غير حساب ولا سابق عذاب
مواضيع هذا القسم برعاية
لولوه الشعنونه لولوه الشعنونه 658279_2.gif فتكات غالية قوي Fatakat 658279 ابوظبي – الامارات