انا ياجماعة دخلت اكتب الموضوع ده عشان الكل يستفيد من خبرة مامتى حبيبتى فى القلقاس وبالاخص اللى بيقعدوا يدعكو فى القلقاس اشى بمايه سخنه ومايه بارده وينقعوه شويه ويصفوه شويه
انا قولت اريحكو من الشيل والحط بصوا ياجماعه
انتى لو بصيتى للقلقاس بعد مايتقشر هتلاقيه زى البطاطس بالظبط
بس اهم حاجه تبقى القلقاسه ناشفه مش مبلوله وايدك كمان تكون ناشفة
وبسم الله نبتدى نقطع مكعبات
ونيجى للتكه بتاعه الست الوالده وهى انك تجيبى معلقتين سمنه وتسيحيهم فى طاتسه وهب تحطى القلقاس يتشوح فى السمه هتلاقيه عمل قشره زى البطاطس لما تسلقيها وتحمريها فاهمين قصدى
وبعدين تطلعيه على الشوربه عدل كام غلوه وتلاقيه استوى
وحمصى خضرتك واطحنيها كويس وبالهنا والشفا
شفتو بقى انا ريحتكو من غسيل القلقاس عشان تدعولى لما تعملوه وتاكلو صوابعكو وراه
بس محدش ياكل صوابعو قبل ما يقيم الموضوع يارب يعجبكم
مواضيع هذا القسم برعاية
ممل للغاية ممل للغاية فتكات نشيطة Fatakat 565564 القاهرة – مصر