السلام عليكم ورحمه الله وبركاته
انا جيبالكم انهرده علاج نهائى لالتهاب اللثه هتقولولى جيبتيه منين يا فالحه هقولكوا والله انا لافالحه ولا حاجه دا انا حتى شلت ماده علم النفس فى الكليه ترمين ورا بعض ع العموم بلاش فضايح وتفتيح فى الماضى المؤلم خلينا فى الحاضر الفلالى بصوا بقى الموضوع ده حقوق الطبع فيه لعمى الدكتور محمود هو دكتور اسنان وحقوق النشر طبعا لأم مريومه العسوله يعنى الموضوع ده عمى قالى عليه لما رحتله كان ضرسى كالعاده بيستهبل فلما كشف عليا لاقى اللثه مدمره قالى على الوصفه دى مافيش علاج ولا غرغره تعمل مفعول ذى الوصفه دى وفعلا جربتها طلعت حلوه موت والنتيجه بتبان فى اسبوع بس انتى هتلاحظى الفرق فى يومين يابااااااى دا انا رغايه اوى خلاص خلاص هدخل فى المقادير بصوا بقى اولا
1-قرض بفتح القاف والراء وتسكين الضاد ده بيتباع عند اى عطار معروف روحى انتى بس واسالى هتلاقيه هاتى بجنيه بس
2-شبه: اد حبه الترمس
3-7 حبات قرنفل
نغلى المقادير دى فى ليتر ميه لمده ربع ساعه وبعدين نصفيهم كويس ونحطهم فى زجاجه وتلات مرات تتمضمضى بيهم بعد كل مره تغسلى فيها سنانك مره الصبح بعد الفطار وبعد الغداء وبعد العشاء ياريت متشربيش من الزجاجه اشربى من كوب علشان متحمضش هتحسى ان فمك ناشف بس ده طبيعى ونصيحه كمان للى عندهم التهاب فى اللثه ياريت يستعملوا فرشه اسنان ناعمه ذى بتاعه الاطفال وجربوا الطريقه دى وقولولى ايه الاخبار
حيائى فى حجابى حيائى فى حجابى 89685_2.gif فتكات متميزة Fatakat 89685 بورسعيد – مصر