والصلاة والسلام على سيدنا محمد عليه افضل الصلاة والسلام
اخواتى وحبايبى فى احلى مدونة
انا كنت نقلت لكم تجربتى مع التوم فى مواضيعى السابقه
وبكل امانه وقلت لكم انا حااكمل مواضيعى عن التوم ان شاء الله
النهارده حااكلمكم عن التوم كمضاد للشيخوخه ومنشط للذاكره
ويعتبر التوم مجدد للحيويه والنشاط لان انا قلت لكم بعد مااستعملته
بقيت احس بالنشاط وعدم الخمول وبيخلى ذهنك دايما حاضر ومتيقظ
طيب ازاى بقى التوم بيعمل كده
طبعا مع استعماله باستمرار كل يوم على الريق وتقطيعه قطع صغيره
وبلعه بالماء
بيحافظ على الخلايا العصبيه ويحافظ عليها من التلف والشيخوخه
دا مش كلامى دا كلام العلماء والاطباء وتقدرى تتاكدى بنفسك من النت
وكمان التوم بيعالج مرض الزهايمر بدرجاته وبيعالج النسيان
ولما تستخدميه حتعرفى صدق كلامى يعنى التوم
يا حبيباتى لازم
يدخل فى برنامجنا الغذائى اليومى
وطبعا التوم يعتبر مضاد قوى للاكسده وعلامات الشيخوخه اللى بتظهر
عليناكلها بسبب ضعف الخلايا وتلف جدرانها
وطبعا كلنا عارفين علامات الشيخوخه زى مشيب الشعر وضعف الذاكره
والبصر وعدم التحمل والضعف العام………
ولكن المواد اللتى يتكون منها التوم تقاوم هذه العلامات وتحمى الجسم
وطبعا المواد دى اللى فى التوم بتسمى مضادات الاكسده
ومنها فيتامين ج _ أ _ ه ومعدن السلينيوم
وبذلك فهو يقاوم عملية الشيخوخه وقد قرات لك اختى الفاضله
انهم اجرو ابحاث ودراسات اثبتت ان التوم له علاقه بطول الاجل والاحتفاظ
بذاكرة افضل والتوم لا يقل ان يقال عنه انه الاكسير المجدد للحيويه
واخيرا يا بنات بعد استعمالى للتوم بدات فعلا احس بالنشاط والحيويه
ولما بحثت وقرات عن التوم فعلا اتاكدت انه بيعمل كده وكل شويه اكتشف
سر من اسرار التوم مع استعمالى له
يارب تكونوا فهمتونى واكون افادتكم وانا تحت امركم فى اى سؤال
نصيحتى لك اختى الغاليه وعن تجربه احرصى دائما على تناول فصى توم
يوميا لمقاومة الشيخوخه وتحسين الذاكره
شوفتى ربنا مدينا ايه واحنا بنسيبه ونلجا لحاجات بتسسم جسمنا يعنى مثلا
ولادنا الاعزاء الغاليين علينا ايام الامتحانات مش بيكونو مركزين ولا بيذكرو طبعا بنروح نجرى نجيب
حاجات لتنشيط الذاكرة علشان المذاكرة وانا اعرف طلبه كتير بيعملوا كده
علشان يقدروا يركزو طب ليه وربنا ادانا اكسير طبيعى مالوش اى اضرار ولا مضاعافات
وبيجدد الحيويه والنشاط وبيرفع التركيز وفى متناول اليد
وان شاء الله فيه وصفه ممتازه لتقوية الدم وتجديد الحيويه حاانزلها فى موضوع
تانى اصل انا كده طولت عليكم
ادعولى ان ربنا يوفق اولادى فى دراستهم
اترككم فى رعاية الله
لا اله الا الله
كومبتى كومبتى 337790_11.gif فتكات غالية قوي Fatakat 337790 مصر – بيتى