السلام عليكم و رحمة الله و بركاته
اولا احب ادعيلكم كلكم ربنا يبعد عنكم و عن ولادكم و اخوانكم و ازواجكم و حبايبكم ولاد الحرام يثبتكم جميعا وينجيكم من شر ما خلق
***************
ثانيا : ندخل في الموضوع
مبدئيا كل انسان ممكن يضعف في لحظة و في اللحظة دي ممكن يتأثر بأي حاجة و غالبا بتكون حاجة غلط لان الضعف احد مداخل الشيطان للانسان
فمش عيب ان حد يغلط – العيب انه يكرر الغلط دا
اي حد فينا معرض لتجربة ان يكون في بيته مدمن مخدرات باي نوع ( هيروين – كوكايين – حشيش – بانجو – ترامادول – كحوليات ) او اي نوع اخر
طيب
قبل كل شئ احب انصح كل فتوكة هنا
عقلك في راسك تعرفي خلاصك
بمعني ان كلمة انا واثقة في فلان دي تمسحيها بأستيكة من حياتك
مفيش حاجة اسمها ثقة عمياء – ما تنفعش
خلي دايما عندك شوية شك ينفعوكي في لحظات معينة ف حياتك علشان ما تبقيش عمياء او مغفلة
اولا دي شوية حاجات تخليكي تشكي في اللي معاكي في البيت ( ابن – اخ – زوج )
1- التأخير خارج البيت لاسباب و بدون اسباب
2- الوخم و النوم الكتير
3- دخول الحمام و الوقت الطويل داخل الحمام
4- العين حمراء
5- ممكن الكلام يكون عايم و مش مفهوم
6- ممكن هزار سخيف او خارج او بالايد
7- اختفاء مبالغ او ذهب من البيت لان اي حاجة تانية بتاخد ووقت في بيعها و غالبا بتخسر و مش بتجيب فلوس فورية الا الدهب
8- لو لقيتي في اغراض الشخص معلقة – سرنجة – ليمون – هيموكلار – قطرة انف بريزولين
9 – لو لقيتي نقط دم رعلي الملابس كذا مرة ( اثار حقن الهيروين )
10 – لو لقيتي في المحفظة قطعه حشيش و دي حاجة صغيرة لونها كموني او بني و بتكون حجمها زي راس عود الكبريت مثلا
11- بالنسبة للمتزوجين لو فيه عزوف عن الجنس بشكل عام ( و دا في حالات الهيروين و الكوكايين ) اما بالنسبة للبرشام فهتلاقي رغبة جنسية و قوة غير عادية بشكل مقلق و اطالة وقت العلاقة و انتصاب عضو الرجل لفترات اطول من العادي
12 – لو كشفتي كذب متكرر او دائم
13- لو لقيتي شريط برشام اسمه ( رامادول- كونترمال – تراماكس – تامول – تيدول – الترادول – ترامايدين – ترامال – زامادول – كوسدول كمنتالب – أمادول – ترامونال اس -ار-ترامالجين – ترابار – الترادول )
طيب هنعمل ايه لو لقينا الحاجات دي ؟
اولا نشيل اي فلوس او دهب في اماكن غير معروفة حتي لو في برطمان في التلاجة او في وسط التوابل او تحت الاجهزة الكهربائية و بلاش النيش و الدولاب و كدا و ياريت الدهب توديه عند حد زي ماما او اختك المهم تبعديه عن البيت
ثانيا نبدأ نراقب لان الاعراض دي معظمها ممكن يكون بسبب حاجات تانية غير الادمان ماعدا الكذب الدائم و الصرف الغير طبيعي و سرقة الاشياء الثمينة
و نراقب يعني لو ابنك لازم تكوني تعرفي امهات اصحابه و لو قالك هقابل فلان تتصلي من وراه بامه تساليها هو فلان عندكم او ابنك مع ابني دلوقتي ؟
اما لو زوجك فالتصنت علي التليفون و تفتيش ملابسه دا امر سهل لما ينام
لو اخوكي بقا دي صعبة حبتين و لو فيه اخ تاني غيره موضوق فيه تحكيله شكوكك و تخليه هو يقوم بمساعدتك
ثالثا لو اتاكدنا ان فيه حاجة انسي انك تتخانقي او تشتمي او تمدي ايدك او تطلقي او تهددي او تفضحي او او او انسي كل التصرفات دي
اعتبري ان معاكي مريض نفسي و لازم تعالجيه
اعتبري نفسك داخلة معركة لازم تطلعي منها كسبانة
اعتبري انك مبتلاه اما تصبري و تؤجري او تنسحبي و تقنطي و تسودي عيشتك بنفسك
هنقرب و نتكلم بهدوء و عقل و حكمة
لو زوجك مثلا – هتعرفيه انك عرفتي ان فيه حاجة غلط و انك عايزة تساعديه و تاخدي بايده علشان ربنا يشفيه من الامان لان الادمان مرض خطير و ان حبك ليه هو الدافع ل كدا –
عرفيه انك هتحاربي علشان تحافظي علي بيتك و عليه
عرفيه انه اهم عندك منك انتي شخصيا و ان اي حاجة راحت في ستين داهية المهم انت عندي
عرفيه انك هتعملي المستحيل علشان تشوفيه كويس و بخير و انك هتقفي معاه لحد ما يعدي المحنة دي
كلام ايجابي جدا جدا و المدمن بيكون ضعيف و بيتأثر بالكلام دا جدا جدا و بيلين بسرعه
في الوقت دا اوعي و اياكي و حذار يقولك هعالج نفسي بنفسي
مش هينفع
لازم طبيب او مصحة
لو فيه ارادة قوية ممكن طبيب – هتزورو طبيب في عيادته او يجيلكم البيت يتكلم معاه و يديله ادوية منها مهدئات و منومات و ادوية تمنع الاكتئاب و الهلاوس و و و و و مسكنات طبعا و كلها ادوية مسموح بيها يعني مش جداول مخدرات اما بقا لو الحالة صعبة فالمصحة افضل
الطبيب مهمته العلاج البيولوجي و بعد كدا تأهيل نفسي و بتشوفي فرق كبير بين الشخصية و هو مدمن و بعد العلاج
و طبعا بعد العلاج لازم تحصري الخساير بتاعتك معاه علشان يحس بخسارة اللي عمله في نفسه و في حق اللي معاه
و ربنا ينجينا جميعا
أم يحي و مريم أم يحي و مريم ممنوعة من المشاركة Fatakat 755174 القاهرة – مصر