بسم الله الرحمن الرحيم
السلام عليكم و رحمة الله و بركاته
بعد الترحيب و التحية بالدكتورة شيماء أرجوا أفادتي في مشكلتي و معلش لو طولت عليكي شوية
أنا متزوجة من سنتين و نصف و رزقت بطفله عمرها الآن سنه و3 شهور و في بداية الأمر كان زواجي زواج صالونات
تقدم زوجي لخطبتي كانت أمكانياته بسيطه حاولت أنا و أهلي أننا نتعاون معه و منطلبش منه الطلبات المعتاده لهذا كانت خطبتي و كتب كتابي في شهر واحد علي الرغم من أنه مكنش عنده شقة و هو بيعمل بالسعودية فقلنا هسافر معاه و نبني مستقبلنا معا
فأنا فتاه جامعية و زوجي مؤهل متوسط و أنا من القاهرة و هو من الريف
فلكي أن تتخيلي مدي الفارق بيني و بينه في الفكر و الثقافة و البيئه
علي الرغم من هذه الفروق لم أشعر بها من معاملتي معه و تصورت أنني يمكني تعريف زوجي بالطريقة التي تتناسب مع أهلي في المعامله لكنه رفض و أصر يتعامل مع أهلي بالند
و بطبيعة أهل الريف أن كلمهم قاسي شئ ما , فكانت طريقته في الكلام مع أهلي تسببت في رد فعل قوي وحاسم منهم
فأصر والدي أني مش هسافر قبل ما عريسي يجيب الشقة
و بابا قاله ( يا الشقة يا تطلق بنتي ) و بالفعل جاب الشقة و لكنه قال لوالدي بعد ما جاب الشقة ( أنا ميتلويش دراعي أنتوا عارفين أني معنديش شقة من الأول كنتم بتكتبوا كتبنا ليه )
طبعا بابا شد معاه و حصلت مشاده كلاميه جامده جدا بينهم
و للعلم أن والد زوجي متوفي و كان عمر زوجي سنتين و والدته هي التي قامت علي تربيتهم ولهذا أحترمت المجهود الذي قامت به والدته و لهذا عرفت لماذا لم يكمل زوجي تعليمه
المهم نرجع للمشكله : لم يتدخل أحد من طرف زوجي فالمشكله و الحمد لله خلصت علي خير و سفرت لجوزي و بدأنا حياتنا
عشنا مع بعض سنه و نصف من التفاهم و الحب بعيدا عن سيرة أهلي و بالتحديد بابا لأن لما كانت بتيجي سيرة بابا كان بيتكلم عنه بأسلوب مش كويس كنت بزعل منه و أطلب منه أنه ميتكلمش خالص عنه بالطريقة دي عشان أنا بزعل
مكنش بيستجيب لكلامي و بيرجع يكرر الكلام في أي منسبه و كنت بعديها و أقول شوية و هينسي المشاكل مع العلم أنه كذا مرة قالي أنت من معملتك ليه نستيني الأهلك عملوه معايه
المهم كانت الظروف المادية سيئه جدا و علي الرغم من كده عمري ما طلبت منه أي حاجه ليه لدرجة أنه نسي أني ليه طلبات أو أحتياجات شخصية
و أي فلوس كانت بتجيلي كنت بديهاله و كنت بقول لنفسي الحياه مشركه و تعاون و مش عيب أن الوحده تقف بجانب جوزها و خصوصا و أحنا في أول حياتنا كنت وقتها بحبه جدا جدا
لدرجة أني أشتغلت و أنا في أخر شهور الحمل و كنت بدي دروس خصوصيه و كان هو اللي بيقبض راتبي و بعد الولاده شرفتنا حماتي
كنت سبق وقولت أني كنت بحترمها جدا للمجهود اللي بذلته في تربية أولادها بس لما جت هنا حصلت حجات كتير غيرت من نظرت الأحترام دي
أخو جوزى عايش في نفس المدينه اللي أحنا بنعيش فيها و كانت زوجته معاه
و لان أخو زوجي هو الكبير كان من الطبيعي أن أمه تقيم عنده و أنا كمان كنت لسه قايمه من ولاده و بنتي صغيره محتاجه رعايه و أهتمام طول الليل و طبعا أمه لو جتلي هبقي صحيه ليل و نهار عشان بنتي ليلا و حماتي نهارا
المهم حصل مشاكل بين حماتي و سلفتي وصلت لدرجة السب من الطرفين و أنتهت بضرب سلفتي من قبل حماتي بادعاء أنها زي بنتها و هي بتربيها و أن جوزها مش قادر يربيها
طبعا سابت بيت سلفتي و جت تقعد عندي
و بعدها و في وسط المشاكل الخاصة بيهم جابت حماتي سيرة أهلي و المشاكل اللي حصلت بينهم و بين أبنها البيه جوزي و قالت لي أنها سبت أهلي و سمعتني الكلام الي بيه هانت أبوية و أمي و كأنها بتقولي الدور عليكي خلصت علي سلفتك و جه الدور عليكي عشان أكون خربت البيتين
المهم سكت و عملت أعتبار لغربتي و لجوزي و كبر سنها اللي هي معملتلوش أي أعتبار
و لما جت و قعدت معايه معاملت جوزي ليه أتغيرت عشان البيه عايز يوري أمه أن هو راجل و جامد في بيته مش زي أخوه و أستحملت و ربنا الأعلم كنت عمله أزاي وقتها و نزلت حماتي و مشيت و كانت و هي ماشيه بتدعيلي و تحلف أني عملتها زي بنتها مبتعملها و أكتر طيب مش البيه المفروض يقدرني لكل ده لا البيه ساء فيها العوج و عجبته اللعبه و بأه يدخل يزعئلي علي الفاضيه و المليانه و فضلت أضغط علي نفسي لحد ما جه في مرة بيقولي أن أهلي أستغلواه و ده بسبب أن البيه كان في مرة عندنا بالبيت و و ماما كانت تعبانه و هو نزل معايه جبنلها علاج سعتها نزل في نظري جدا و مرة تانيه كنا متفقين أننا هننزل أجازة علي العيد الكبير مع العلم أني منزلتش لأهلي من يوم متجوزت يعني من سنتين و ولدت بنتي و حدش شفها و طبعا ده كله بسبب الظروف مكنتش سمحه
و جه البيه أخل بأتفائه معايه و بيقولي الظروف مش هتسمح ننزل علي العيد خلينا للصيف و أعملي حسابك لو نزلنا أبوكي ميجيش المطار و لو جه هتسلمي عليه و تيجي معايه علي القرية عندنا
سعتها حسيت اني مش قدرة أستحمل و اصرات علي اني هنزل اجازة و هو برحته و شدينا مع بعض جامد و تعبت لاني عندي القولون العصبي و لما لاني تعبانه كده قالي خلاص أنزلي
و للعلم برده أنا معرفتش جوزي اني زعلانه منه خالص ولا من أمه و كنت ديما بسكت و اكتم جوايه و هو مكنش حاسس ان في اي حاجه مديئاني
و نزلت الأجازة و انا تعبانه محدش من أخواته ولا أمه سأل فيه و بانت المعاملة
و إليكم الجزء الثاني من معاناتي فالأجازة
loly_smsm_ss loly_smsm_ss 50425_1.gif فتكات حبوبة Fatakat 50425 الشرقة – الإمارات