انا بقالى اكتر من اسبوع بدور ايه التحاليل الخاصه بالتوحد الى بتتعمل فى مصر
و قولت اقولكم عشان متلفوش كتير
و ارجو التقييم منكم عشان الكل يستفاد
نبدا بسم الله
تحليل الكازين و الجلوتين
الموجود فى مصر الحساسيه فقط
المورفينات او الببتيدات غير موجوده
التحليل موجود فى المختبر و البرج ب 348 جنيه للاثنين معا
و موجود فى جاما لاب ب 235 للواحد اى الاثنين 470 جنيه
ملحوظه من كلام الاخوات ان جاما نتائجه ادق
و ممكن فى جاما تختارى 5 انواع حساسيه ب 700 جنيه
ده عينه دم
تسمم المعادن
الموجود فى مصر التحليل بيديكى موجب او سالب بس
يعنى يقولك فى معادن او مفيش
لكن نسبتها اد ايه او المعادن دى ايه زئبق و لا المونيوم و لا رصاص
لا مفيش ده فى مصر
الموجود فى معمل البرج ب 75 جنيه
باقى المعامل مش موجود فيهم
ده ممكن عينه دم او خصله شعر او عينه بول صباحيه و هى الافضل
تحليل حساسيه الطعام
فى تحليلين فى البرج
IGE specific food allergy ب 348
و فى food intolerance test ب 1727
بس انا معرفش الفرق بينهم صراحه
و فى معمل وائل الجرف بس مش عارفه بكام بالظبط تقريبا اقل من 400
ده عينه دم
الفطريات
ده موجود فى اى معمل تعملى عنده مزرعه فطريات بتبين الفطريات الموجوده لكن مش كلها طبعا
دى طبعا عينه براز
طبعا للاسف دى مش كل التحاليل اللازمه للتوحد
فى تحاليل تانيه بس مش موجوده فى مصر
فى معملين بيعملوهم فيليب اوجست فى فرنسا و جريت بلانز فى امريكا
الى عنده مقدره يعمل بره طبعا افضل
و حقول برضه اسعار معمل فيليب اوجست
الببتيدات الى بتبين الكازين و الجلوتين و المرفينات كمان ب 81 يورو
تسمم المعادن ب 95 يورو
الاحماض العضويه ب 195 يورو
و التحليل ده يشمل
تمثيل الكبريت الى مسئول عن انتاج الجلوتاثيون
يبين انواع الفطريات و الكانديدا
الموصلات العصبيه
نسب فيتامين ب فى الدم
التحليلات الى بره دى كلها عينه بول صباحيه
التلات تحليلات دول انا حعملهم لابنى و دول الاساس الى عايز تحاليل تانيه يقولى و انا اقوله سعرها
ملحوظه ممكن تعملى الكازين و الجلوتين هنا و تعرفى المورفينات بانك تمنعى اللبن و القمح كل على حده لو فى اعراض انسحاب يبقى فى ببتيدات
مزرعه الفطريات و حساسيه انواع الطعام سهل برضه يتعملوا فى مصر
مهم برضه تعملى لابنك صوره دم كامله و وظائف كلى و كبد خاصه لو بياخد ادويه
مش طالبه منكم فى الاخر غير حاجتين
التقييم ده مش عشانى و الله عشان كله يستفيد
و الحاجه التانيه دعوه بشفاء ابنى عن قريب و ان ربنا يحمى اخته من التوحد الا انا خلاص جاتلى عقده
بيضه مقليه بيضه مقليه 487908_1.gif فتكات هايلة Fatakat 487908 بيتى الجميل – مصر