صباح الخير يا أحلى فتوكات
انا لسه والده من شهرين تقريبا قيصرى
والجرح كان ملتهب جدا وعامل صديد كلمت الدكتور اللى عاملى العمليه وقالى تعالى بسرعه
ولما رحتله دخلنى غرفة العمليات وضغط على الجرح وخرج منه بلاوى وطهره وقالى طهريه بالبيتادين ورشى اسبراى
مضاد حيوى 3 مرات ف اليوم ودى حاجه بسيطه متقلقيش منها
جيت امبارح لقيت الجرح لسه بيجيب صديد وكل ما اضغط عليه براحه كده عشان أطهره الاقيه بينزل تانى لحد مالقيت طرف ناشف باين من الجرح فبمسح بالقطنه لقيت الطرف ده خرج من الجرح وكان طوله حوالى نص سنتيمتر وبعدين لقيته خيط من اللى الدكتور كان مخيطلى بى من الداخل
وبعدين لقيت طرف تانى بيشكنى سحبته بالراحه وبعدين لقيت طرف تالت فيه عقده وكان حواليه صديد لما خرج لقيت الجرح نبع نقطة دم ضغيره ولقيت الصديد راح فطهرته بالبيتادين بسرعه وحطيت عليه قطنه وتانى يوم شيل القطنه لقيت بواقى الصديد بس بسيط جدا لدرجة انه بدأيروح
مش عارفه أعمل ايه ياريت لو فيه طبيبه تفيدنى الخيط اللى طلع ده طوله 2 سنتيمتر تقريبا.
لو فيه خطوره من السلك اللى خرج ده ؟؟ وهل انا جرحى التئم من الداخل ؟؟ وايه سبب الصديد ده كله ده انا كنت فى معاناه بقالى شهر تقريبا
وهل انا محتاجه اروح لجراح؟؟؟
أفيدونى الله يكرمكم.
مرمره2016 مرمره2016 593884_1.gif فتكات رائعة Fatakat 593884 الجيزه – مصر
سبحان الله و بحمده