السلام عليكم ورحمة الله
ازيكم يا فتوكات يارب تكونو بخير
انا عندى مشكلة
ويارب يكون عندكوا الحل لانى بصراحة زهقت
انا فى اخر 10 ايام فى الشهر التامن ومن اول التامن وانا جالى هرش بقعد اهرش كدة فى كل جسمى ومفيش اى حبايه طلعالى ولا اى احمرار ولا اى حاجة جسمى عادى مفهو ش اى تغير غير بس الهرش
روحت للدكتور بتاعى وادانى دهان وحبوب بس مجبتش نتيجة فقالى روحى لدكتور جلدية ورحت فعلا لدكتورة جلدية وقالتلى دى حساسية حمل واتدتنى علاج من يوم الاربعاء اللى فات بس مفيش اى نتيجة غير ان اى علاج للحساسية بينيم بنام وخلاص
فلو اى اخت هنا جالها الموضوع دة قبل كدة ياريت تقولى اتعالج ازاى وهل فعلا فى حساسية للحمل زى ما الدكتورة بتقول ؟
بالله عليكم اللى تدخل ترد عليا لانى خلاص زهقت من الهرش
عائشة حسن عائشة حسن 433887_1.gif فتكات متميزة Fatakat 433887 مصر – مصر