اللى ولدوا فى مستشفى دمشق -المهندسين اجمع فورا 2024.

السلام عاليكم ايا احلى فتوكات

نداء لكل اللى ولدو فى مستشفى دمشق -المهندسين

ادخلى فدينى انا وكل اللى زيى

انا عاملة حقن مجهرى فى مركز جنين اللى فى المعادى
وبتابع مع د. هانى المغربى

وهو بيولد فى السلام الدولى – ودمشق – ومستشفى الدكتور علاء

طبعا السلام الدولى -فى المعادى لقتها غالية موت حساب المستشفى فقط من غير حساب الدكتور والاقامة والادوية بعد الولادة 4450ج
يعنى هاتقفل على 10

اما مستشفى الدكتور علاء – فى المعادى هى ارخصهم وموجودة فى المعادى بس عشان انا ولدت فيها فى حملى اللى فات ولادى ماتو مش حابة ادخلها خالص ولا اقرب امنها

فامفيش ادامى غير مستشفى دمشق اللى فى المهندسين
بس مش عارفة الولادة هناك بكام
فى بيقولولى 4500ج
واللى بيقولوا ب5000ج
واللى بيقولوا 7000ج
بصراحة مش عارفة اية الصح فيهم
انا صحبتى ولدت مرتين فيها بس مش فايدانى فى اى شىء خالص
واتصلت بيهم بردوا مش عارفة اوصل لشىء مفيد اوى
قالولى الولادة 2500ج ممكن تزيد 500 او اكتر ودة شامل الاقامةوالالمستشفى والعملية والادوية لاكن من غير حساب الدكتور والتخدير والناس التانية اللى فى غرفة العمليات

0000000000000000000000000
اللى عرفتوا ان حساب الولادة بينقسم كالتى فى اى مستشفى
ولادة قيصرى
ينقسم اى 1- حساب المستشفى
2- حساب الدكتور
3- ادوية بعد الولادة
4- الاقامة ليلة واحدة: ودية حسب نوع الغرفة اللى هاتخطاريها

ولما دخلت على موقع المستشفى
اللى عرفتة بس
حساب الاقامة


طبعا الاسعار دية اكيد اتغيرت وزادت
فرجاء اللى ولد هناك يدخل يقولنا دفع كام بالظبط
ولو يقدر يقولنا التفاصيل
1- حساب المستشفى
2- حساب الدكتور
3- ادوية بعد الولادة
4- الاقامة ليلة واحدة: ودية حسب نوع الغرفة اللى هاتخطاريها
يا ريت

هو انا صحيح لسة فى السادس بس عشان عندى سبقتين ولادة مبكرة فعشان كدة عايزة اعمل حسابى من دلوقتى
خصوصا ان مصاؤيف الحقن المجهرى والادوية بتاعة فترة الحمل كتير اوى
فلازم اكون عاملة حسابى من دلوقتى

وجزاكم الله كل خير

:i con_salut:

sally23 sally23 فتكات رائعة Fatakat 5489 القاهرة – مصر

سبحان الله و بحمده