السلام عليكم ورحمة الله
ازيكم يافتوكاتي وحشتوني قوي
انا الحمد لله ولدت اخيرا ههههههه وربنا قومني بالسلامة انا وبنتي الحمد لله
وبرضع طبيعي بفضل الله
هي دلوقتي شهر ونص
لكن مشكلتي ان علي طول بنتي بتصرخ وعياط عياط متواصل
مع اني مهتمة بنضافتها جدا ودايما اشطفها بسيف جارد وانشفها واحطلها كريم والبسها البامبرز
وبديها دوا المغص وبكرعها كتير وبنيمها علي بطنها
ووديتها للدكتور وقالي وزنها كويس ومش محتاجة صناعي
وبقينا هنتجن هي بتعيط ليه
بس فعلا بعد مابرضعها الاقيها بتمص في كتفي
لغاية ماواحدة ست كبيرة قالتلي البت دي مش شبعانة
قولتلها والله اللبن في سدري ماشاء الله كتير قالتلي هو كتير بس مية يعني مش سمين
اديها لبن صناعي مع الطبيعي
انا اتعلقت بقشاية وماصدقت وجبتلها نكتاليا من الصيدلية واديتها والبنت شبعت ونامت نوووووووووووم ياحبيبة قلبي
معلش استحملوني رغيت كتير قوي بس انا بسالكم عشان خايفة علي البنت برضو
دلوقتي سؤالي اني مش عارفة انظم خالص الطبيعي مع الصناعي
وخايفة سدري ينشف قولت هديها صناعي مرة واحدة في اليوم
لكن كالعادة رضعتها من سدري كويس قوي وبرضو قامت جعانة
وعيطت قومت عملتلها ببرونة راحت شاربة ونايمة ياروحي
دلوني اعمل ايه
اطاوعها في الصناعي كذا مرة في اليوم ولا اعمل ايه
وانظم ازاي بحيث ميجلهاش مغص من اللغبطة بتاعة الصناعي والطبيعي
جزاكم الله كل خير
فراولة 111 فراولة 111 1121383_2.gif فتكات متميزة Fatakat 1121383 بني سويف – مصر