السلام عليكم ورحمة الله وبركاتة
بصراحة انا مبهوره بمنتداكم وكان لازم اسجل فيه بالذات لما لاقيت جارتى قاعده عليه ليل ونهار حبيت اعمل اشتراك والحمدلله ظنى طلع فى محله وطلع اكتر من رائع
انا عاوزة استفسر منكم على حاجة واتمنى متكسفونيش لان اول مشاركة وموضوع ليا
انا حامل فى نهاية الشهر السادس بفضل الله يعنى باقليى اربع ايام واخلصه وبصراحة حركة الجنين مغلبانى قوى انا حامل فى بنوتة ان شاء الله هاسميها رحمة
بس مشكلتى انا بافضل اراقب حركتها الاقيها يومين منتظمة وحلوة وممكن تبقى عنيفه قوى كمان هههههههههههههه كأنها بتتخانق جوة واوقات بتكون هادية قوى بزيادة ومافيش حركة تذكر غير مرة او مرتين
انا مش عارفه ده طبيعى ولااية
امتى اقلق يابنات دلونى انا كل مابروح للدكتورة بتطمنى على كيس الماية والمشيمة والنبض وكله كويسين وكمان الحمدلله لاعندى سكر ولا ضغط
ملك**حبيبة عمرى** ملك**حبيبة عمرى** فتكات رائعة Fatakat 587267 فـــ حضــــــن اجمــــــــل حـــــــــب ـــــــي – حسبنــــــا الله ♥ سيؤتينا الله من فضـــــــــــله ♥ورسولُه انا الى الله راغبون ♥