السلام عليكم
يارب تكونوا بخير
مش هطول عليكو أنا اجهضت من يوم 4 / 2 للمره التالته والمفروض انى كنت حامل فى شهر و10 أيام زى ما الدكتور قالى وهو ادانى برشام ينضف الرحم وقالى مش هتحتاجى عمليه واخدت البرشام وكان بينزل دم عادى بس تقيل اوى ومكنش فيه حتت أو كلاكيع ورحتله تانى كشف بأيده ومعمليش سونار وقالى خلاص الرحم نضف
بس أنا خايفه أوى ليكون فى بواقى لسه وتبوظ الدنيا عندى وبرضه زهقت من مرواحى للدكاتره ومش عايزه اروح لحد تانى عشان أتأكد حتى التحاليل مش عايزه أروح أعملها لانى نفسيتى تعبانه أوى؟ بس الحمدلله على كل شئ
ساعدونى يا بنات الله يكرمكم
وأنا المفروض ان البريود كانت تنزلى يوم 24 / 1 ومنزلتش وعملت تحليل بعدها بيومين طلعت حامل وابتديت أنزف يوم 4 / 2 ولما رحت للدكتور قاللى انتى خلاص بتجهدى والدم قعد عندى اسبوع ووقف يبىقى أنا كده ميعاد دورتى الجايه أمتى ؟؟؟؟ اللى تعرف تحسبهالى الله يكرمكو تقولى
وربنا يجازيكوا جميعآ كل خير
مع العلم أن الدكتوره الىلى كنت متابعه معاها كانت عايزه تعملى عمليه التنضيف بس انا كنت نفسيتى تعبانه وبتعب منها اوى لانى عندى حساسيه على صدرى والبنج بيتعبنى أوى ومرضتش ولما رحت لدكتور تانى قاللى لامش هتحتاجيها وادانى برشام ميزوتاك والدم أستمر اسبوع ينزل
ربنا يكفيكم الشر يارب ويجازيكم كل خير
golden geena golden geena images/avatars/purpleflower.jpg فتكات رائعة Fatakat 203106 الجيزه – مصر
سبحان الله و بحمده