السلام عليكم ورحمة الله وبركاته
انا مش عارفة اكتب كلام كتير واقول اللى انا عايزاه لكن هاقول اللى يجى على بالى
طبعا الكل ملاحظين ارتفاع امراض الضغط والسكر والقلب وامراض كتيرة اللهم احفظنا احنا وسائر المسلمين جميعا
اللى عايزاه اقوله لازم نبص لطريقة اكلنا انا بستغرب والله من كمية الدهون اللى بنحطها فى اكلنا وكمية الدسم الفظيعة والسكريات اللى فى الحلويات كل الستات دلوقتى كل طبيخهم بكريمة لبانى وويب دريم وحاجات كتيرة ملهاش اى لازمة غير انها بتتخن وبتملا الجسم دهون وبالتالى الامراض اياها كلنا نفتكر اكل امهاتنا وازاى هما شاطرين وستات بيوت بجد كنت ارجع من المدرسة مثلا الاقيها الله يرحمها عاملة صنف خضار وجنبه لحمة بشوربة او فراخ وشوربة ورز وحتى لو مفيش لحمة او فراخ كنا بناكل خضار ورز والاكل كان بيكون جميل جدا ويوم سمك ورز وسلطة ومخلل هى بتعملهاو مثلا كبدة وبطاطس وسلطة الاكل كان جميل وبيشبع مش زى الاكلات بتاعة الايام دى همبرجر وسوسيس وحاجات مايعلم بيها الاربنا وكانت تعمل لنا صينية كنافة او بسبوسة او صينية كيكة وطبعا مش كل يوم لكن دلوقتى الناس بتاكل الحلويات فى كل وقت وبكميات كبيرة ده غير البيبسى الناس بتشربه ماشاء الله زى المية جنب كل وجبة وكلنا كنا بناكل مفيش حد بيعترض مش زى تربية الايام دى كلها دلع ولو الطفل ماكلش نجيبله اللى هو عايزه وناس كتير بتستسهل بصراحة تعمل لابنها ساندويتش وخلاص ده غير كريمة الطبخ اللى بقت تدخل فى كل الاكل الاقى واحدة تقولك بحط على المكرونة علبة كريمة وكام قطعة جبنة كيرى وعلبة قشطة وتقولك واو ولا اطعم من كده ماهو فعلا الطعم هايكون حلو ودسم لكن اتفرجى على بتعمله الحاجات دى جوه الجسم ولا معرفش صوص ايه وشوربة الكريمة اللى نصها دهون وحاجات كتير اوى اكيد انتم عارفينها والفاكهة كانت على طول فى البيت واللبن والبيض البلدى والطبخ كان بيكون خليط من الزيت والسمن البلدى ومفيش طبيخ بلية ولا الكلام اللى يودى فى داهية ده وكان احلى اكل والله وكله فايدة لو كل واحدة فكرت تاكل هى واسرتها اكل صحى وبلاش العك ده وتوفر الفلوس دى وتشترى بيها كيلو سمن او زبدة بلدى وتجيب البيض بلدى والخضار يكون موجود دايما على السفرة والفاكهة وتنظم شرب المشروبات الغازية والحلويات وتعود الاطفال ياكلوا من الموجود والله صحتنا هتكون احسن وجسمنا هايتظبط انا مشتركة فى جروبات على الفيس بيعملوا فيها وصفات للطبيخ والحلويات ودايما بستغرب من اللى بيعملوه والله وفى الاخر بيقولوا الفلوس مش مقضية يعنى انتى تعملى صنف حلويات يتكلف بتاع 100 ويتاكل فى عشر دقايق وتقولى الدخل على الاد انا بصراحة بشوف حاجات مكلفة جدا وغير كده والله ملهاش فايدة غير انها دهون وسكريات داخلة الجسم بدون داعى الموضوع محتاج تنظيم علشان نكون بصحة كويسة واجسام مظبوطة وربنا يديم علينا نعمة الصحة والستر والعافية ومعلش طولت عليكم لكن كلمتين حبيت اقولهم وانصحكم بيها انا بحب مدونة فتكات جدا وبحس اننا كلنا اخوات وقلت اقولكم نصيحة لوجه الله وربنا يسترها مع الجميع
(شيكولاتاية بالبندق) (شيكولاتاية بالبندق) 1057825_3.gif فتكات متميزة Fatakat 1057825 القاهرة – جمهورية مصر العربية