انا عايزه اعرف فيه حد زيى كده انا بقالى سنه تقريبا بعانى من التهابات فى المعده وارتجاع فى المرىء
الموضوع بدء معايه ان فيه طوبه واقفه فى نص صدرى وكنت بعد ماكل احس بوجع رهيب مسمع فى ضهرى وضيق نفس بقى وكل مكنت اروح لدكتور يقولى حاله نفسيه ويدينى مهدىء لحد متعبت اوى عشان مكنتش بظبط الاكل وكنت مش عارفه اتنفس خالص وحرقان فظيع وترجيع بقى وامساك رجعت عملت تحليل جرثومه المعده مره طلعت موجوده ومرتين لا
المهم ادونى نيكسيوم وموتيليوم وبردوا قعدت فتره مارتاحتش والالم كان فظيع ولما اشوف الاكل اصرخ ومش طايقه ريحته ودخلت بعدها المستشفى برجع ترجيع فظيع وحجزونى هناك وعملولى كل التحاليل عشان يطمنوا بقى على الكبد والمراره والبنكرياس والحمد لله طلعت سليمه والدكتور قالى التهاب فى المعده والمرىء والقولون وبردوا ادانى نيكسيوم وموتيليوم انا جبت العلاج بتاع الجرثومه الى هو كلاسيد وفلاجيل وخدته 3 اسابيع وظبطت اكلى خالص مسلوق لدرجه انى خسيت 10 كيلو وابتديت اتحسن واحده واحده وكملت بعدها على نيكسيوم وموتيليوم 3 شهور والدنيا بقت معقوله بس مش تحسن زى زمان طبعا رجعلى الموضوع تانى بعدها بشهرين وحرقان فظيع وكل شويه اتنهد عشان اتنفس وسورى يعنى بتجشأكتير ووجع فى فم معدتى روحت لدكتور رابع ولا خامس ولا سادس كلهم نفس الكلام حاله نفسيه طب اعملى منظار يقولى لا زى ميكونوا متفقين مع بعض مع ان كل واحد فى بلد وكلهم دكاتره كبار وقالى بردوا التهابات وادانى علاج الجرثومه مره تانيه كلاسيد واوجمنتين مع باريت وزنتاك ومشيت عليهم حوالى شهرين ونص وبقيت يعنى ايام كويسه وايام لا
وبطلته من اول السنه عشان تعبت من كتر العلاج وكنت باخده عند اللزوم يعنى اخد كونترلوك او زنتاك لما اتعب او دوا شرب مالوكس او الجيكاب
بس بقالى يومين بقى فم معدتى مبهدلنى
ومش عارفه اعمل ايه ومش هروح لدكاتره تانى وزهقت
هو فيه حد زيى كده طب اعمل ايه طيب ياريت لو حد حصلوا كده يقولى عمل ايه انا تعبانه خالص وحاسه ان حد مدينى سكينه فى نص صدرى وخايفه يحصلى الى حصل زمان
الموضوع كان بيجى على خفيف وساعات مكنتش بحس بيه ساعدونى
وادعولى ربنا يشفينى والى مش هتكتب رد بالله عليها تدعيلى
doctor cat doctor cat 583841_1.gif فتكات متميزة Fatakat 583841 mansoura – egypt
سبحان الله و بحمده