السلام عليكم ورحمة الله وبركاته
ازيكم ياجماعة؟
انا هاحكيلكم عن تجربتى مع الاسهال عند بنتى
عشان اى ام تخلى بالها
اولا احنا فى الصيف والذباب والتجمعات والفواكه والميه الساقعة والعصاير
فخلوا بالكم
اولا غسل ايد طفلك دايما بالديتول حتى لو كان لسه موش بيحبي
لانك انتى بتلمسي حاجات وبعدين تلمسيه
ولما يبدا يمشي عوديه على غسل ايدوا وله فوطة صغيرة
وهو لوحده هيغسلها
حتى لما يكون صاحى لسه من النوم برضه اغسليهالوا
ثانياالحاجات الساقعة من ميه وعصاير
طبعا هو ماعندوش صبر
طلعيها تسخن شوية برا التلاجة بعيد عن عينه
والميه خلى دايما دورق ميه من الحنفية عشان تخلي الميه له فاترة موش ساقعة
ثالثا لما تكونوا بره فى نوادى مثلا واحنا عارفين الاطفال بتحب تاكل فى الحتت دى حاولى تخلى الساندوتش يمسكه بكيس
لو ماقدرتيش تغسلي ايده
رابعا اديلوا عصير جوافة طبيعي او ليمون او برتقال لو مخزناه عشان يبقى عنده مناعة
خامسا اطفي التكييف قبل مايطلع من الاوضة مايطلعش مرة واحدة من الساقع للسخن
وغطيه بملاية خفيقة هو ونايمة عشان بطنهم بتتعرى حتى لو موش مشغلة التكييف
بالنسبة لو لاقدر الله جالوا اسهال
بلاش انتينال او دايكان
الدكتورة طلعتهم لبنتى وفضلت كل ماتاخد منه تعمل بيبي
على الرغم انها موش اكلة حاجة
فانا عرفت انه بيطهر الاول وبعدين يبدا مفعوله
انا جربت سيمكتا شراب ممتاز
وطبعا ماتديلهوش فى الوقت دا اى منتجات البان او شيكولاته لانها بتزود
اديلوا حاجات فىها نشا او بطاطس او حمص او عصير جوافة او تفاح
وربنا يحفظ اولادنا
ارجوكم ياجماعة تدعو لبنتى ربنا يطمنى عليها فى التحاليل ويحفظها من كل سوء ويفتح شهيتها للاكل
طيور*الجنة طيور*الجنة 417735_3.gif فتكات هايلة Fatakat 417735 عاشق سارح فى الملكوت – مصر