يارب تكونوا بخير الحمد لله ليه تجربه مع الاصبع المدوحس وكانت مؤلمه جدا الموضوع من كذا سنه والاصبع المدوحس للميعرفش بيبقى الظفر غارز فى الجلد وبيعمل احمرار ومده وآللام فظيعه وسببه انك بتقصى الظفر غلط وبتلبسى الجزمه تكون ضيقه من قدام لما حصلى كده طبعا مكنتش طايق المسه ولو حد خبطنى فيه 
ممكن اعيط من الالام ولو قلت ان آلمه بالنسبالى اشد من الطلق مكنش ببالغ المهم رحت للدكتور وقال لازم جراحه
وطبعا كتبلى الاول على علاج وحقن 
وقال لومجبتش نتيجه هيبقى لازم جراحه وللأسف منفعش غير الجراح ورغم انه ادانى بنج موضعى الا ان الالم كان لايحتمل حتى قبل صباعى مايخف من البنج وفضلت طول الليل وانا بعيط من الآلم 
المهم من اسبوع لقيت صباعى عمل مدوحس وطبعا بقيت خيفه جدا من الموضوع بقيت اصحى باليل وادعى كتيييييييييييييير وكان عندى مضاد حيوى وطبعا قلبت فى النت ولقيت وصفات زى الدقيق والسكر وخلافه وقريت عن التشريط للظفر يعنى كأنك بتخربشى الظفر عشان تتطلعى منه المناكير والحمد لله الموضوع عدى على خير 
تقصى الظفر بطريقه مستقيمه ومتقصيش الجوانب 