انا حبيت اكتب الموضوع ده واشاركم تجربتي دي علشان منستهونش ب اي حااجه صغيره ونلحقها بدري بدري
عين السمكه دي عدوي وهي فيروس وبيظر لما تضعف مناعه الجسم لاي سبب مثلااا تغذيه مش كويسه او تناول مضادات
حيويه بشكل كبير …
اللي حصل بقي معايا اني من اربع سنين كده كنت لسه في الكليه وكنت في المدينه الجامعيه وماادراكم بالمدينه الجامعيه … المهم كان عندي واحده صحبتي عندها عين سمكه في رجلها وكانت بتلبس الشبشب بتاعي وطبعاا روحت اتعديت منها علي طول علشان مناعتي كانت ضعيفه في وقتها …
المهم ظهروا عندي في رجلي ٣ وحدات ولا حااجه وكانوا شبه حب الشباب وكانوا صغيرين بس روحت قعدت احطلهم مراهم ومسه وكده وراحوا واختفوا خاالص ….
المشكله بقي انهم ظهرولي تااني في من شهرين ومن هنا بداات رحله المعاناه وكانوا صغيرين اوي ومهتمتش بيهم وطبعاا ده بينتشر وبدل ماكانوا واحده بقوا ١٣ واااحده المشكله اني كنت مسافره لجوزي ومكنش عندي وقت اهتم بيهم المهم روحت للدوكتوره وقالتلي دوول لازملهم كوي وهتعملهملي علي كزا جلسه وروحت في المعاد وعملتلي كوي ووربنا مايوريكم ادتني حقنه بنج في كل عين تخيلوا يعني اخدت ١٣ حقنه
واديتني بعدين مضاد حيوي كتيير ايشي كبسولات وايشي حقن علشان ده يعتبر جرح مفتوح وكمان في الرجل فكانت خايفه انهم يصابوا ببكتريا ولا حااجه
وطبعاا قعدت يجي شهر محملش علي رجلي ومكنتش بروح شغلي وكاانت مشكله …
الخلاااصه يعني من تجربتي ان محدش يسكت لو ظهرلوي حااجه صغيره انا لو كنت لحقت نفسي من اول واحده ظهرلتي مكنتش اتعذبت وتالمت كددده بس انا استهونت بيهم لغاايه مازادوا
يلااا بقي ربنا يعافينا ويحفظنا جميعااا
جاسمين عبده جاسمين عبده فتكات جديدة Fatakat 845367 سوهاج – مصر