السلام عليكم
بصوا يا بنات انا كنت بعمل سيرش كالعاده عن البشره والصحه ووقع تحت ايدى موضوع مهم جداااا ..موضوع التصبغات الجلديه ..اللى اغلبنا بيعانى منه الوش الوان والايد لون تانى خالص والجسم اماكن واماكن ..بنسبه بقا تختلف من حد للتانى .. ونقعد نجرب وصفات وخلطات ومتخيلين انها هتجيب نتيجه ونقول الصبر الصبر الصببببببببببر لحد ما الصبر بيتبخر …بس الموضوع بقا مينفعش يتعالج خارجى وهو داخلى تعبان ..لانى من البحث والبحث اكتشفت ان الكبد هو المسئول عن التصبغات الجلديه ..لو فى دكاتره هنا او صيدلانين ياريييييت ياكدولنا المعلومة ..دا طلع كمان هو المسئول عن السيليوليت تخيلوا !!! ومسئول عن الحاله النفسيه ومسئول عن الوزن اللى مبيزلش حتى لو عملتى ريجيم وحاجات كتير جداااااااا لو كان الكبد مرهق وتعبان ومش بيادى وظايفه
لما يكون الكبد تعب من الاكل الغير صحى وقله شرب الميه ونوم بعد الاكل
فلازم نقلل الدهون غير الصحيه .. ونبطل خالص المشروبات الغازيه والمقليات والشيبسى بقا ونقلل الحلويات شويه ونبتدى نكتر اكل خضار وفاكهه ونشرب لتر ونص ميه ..وخدى بالك من البحث عرفت ان لو شربتى اكتر من لتر ونص او لترين بالكتير الخلايا بتختزن الميه فى الجسم
دلوقتى احنا عايزين نرجع الكبد تانى يشتغل بكفائه ونعمله ريستارت كده
ففى اكتر من طريقه لتنظيف الكبد
1- خليط من عصير الليمون وفصان من الثوم والزنجبيل وملعقة من زيت الزيتون النقي
يعتبر خليط ممتاز لتنظيف الكبد ، حيث يؤخذ هذا الكوب من الخليط على الريق قبل
الافطار بساعة …. وينصح باستعمال هذه العملية مرة كل ستة شهور
2-شرب ماء دافيء عالريق + عصره نصف ليمونه
وهذا العصير تشربيه عالريق قبل الاكل بساعه
الوصفه دى بيقال انها اتقالت فى برنامج اوبرا وينفري وناس بشرتهم تعبانه عملوها
يوميا وبعد شهرين تغيرت بشرتهم 180 درجه واختفت الهالات وصارت نضره وصحيه
3-كوب ماء دافيء عالريق + ملعقه كبيره عسل طبيعي
كمان نفس الشي تشرب عالريق قبل الاكل بنصف ساعه
4-ملعقه كبيره زيت زيون عليها عصرة نصف ليمونه
واشربي وراها كوب ماء دافي ودى بردو تعتبر مذيبا قويا لحصيات الكلى
5-مغلي البقدونس يومين بالاسبوع على الريق وقبل النوم اغسليه وخليه يغلي ربع ساعه
واحفظيه بالثلاجه وقبل ماتشربيه خليه يدفى من غير تسخين وعلى فكره مغلى البقدونس
بينضف الاتنين الكبد والكلى ويعتبر اقوى منظف للكلى
6- البصل الأحمر والأخضر والثوم والكرّاث، مصادر أساسيّة للأحماض الأمينيّة التي تحتوي على الكبريت. يساعدو في عملية تنظيف الكبد من السموم وتعرف هذه العملية بـ الكبرتة. تمنح هذه الأحماض الجسم المكوّنات الأساسيّة لصنع ما يعرف بالغلوتاثيون الذي يؤدي أيضًا دورًا في تنظيف الكبد من السموم. وطبعا كلنا عارفين ان الجلوتامين ( الغلوتاثيون) فى ناس بتروح تاخده حقن علشان تبيض وطبعا موضوع الحقن ده مش مضمون فالاولى انك تخلى الجسم يصنعه بنفسه
7-خل التفاح (مزيل للسمية، مزيل للكوليسترول، منشط) تناوله: إما برشه على السلطات
أو بخلطه مع الماء وشربه بشرط أن لا يتجاوز ذلك معدل ملعقتين صغيرتين في اليوم.
بس ملحوظه يا بنات خل التفاح اللى فى السوق وعند العطار غالبا مش طبيعى و ومش هو خل التفاح اللى بنتكلم عنه
8- بذر الكتان(مزيل للكوليسترول، موازن لسكر الدم، مزيل للسمية) معنى اسمه اللاتيني (الاكثر فائدة) ويعتبر مصدرا غنيا لمادة لليغنان وهي استروجينات نباتية تعمل على محاربة السرطانات وابعاد الفيروسات ويقلل من مقاومة الانسولين، يعتبر منظفا للامعاء، يعمل على توازن السكر في الدم ويحد من امتصاص الكوليسترول.
كيفية تناوله: الكمية المسموح بها يوميا ملعقتان صغيرتان مطحونتان ويا حبذا في فترتين متباعدتين.
9- زيت بذر الكتان او ما يسمى بالزيت الحار(مزيل للكوليسترول، منشط، موازن لسكر الدم، مزيل للسمية):
يحتوي على مجموعة اوميغا 3 حيث تعتبر أحماضا دهنية اساسية ونقص هذه المجموعة (أوميغا 3) تسبب عدم ايصال اشارة إلى الدماغ بأنك شبعت فبالتالي تأكل أكثر من حاجتك ، ومن ناحية اخرى تقوي مادة السيراتونين في الدماغ والتي تبعدك عن الاكتئاب وما يترتب عليه.
كيفية تناوله: إما برشه على السلطات والفول والحمص، بمعدل ملعقتين صغيرتين يوميا في فترتين متباعدتين.
وغيرهم من الخضروات اللى بتساعد على تخليص الكبد من السموم زى البروكلي و القرنبيط و القرع والثوم و الخس، الفجل، البصل، الجرجير و الفواكه زى التفاح، جميع التوتيات و الاعشاب زى يانسون، فلفل أحمر، قرفة، قرنفل، كزبرة، كمون، شبت،خردل، شمر، زنجبيل.خردل
انا عن نفسى بحب الشمر جدااااااااااااا ..بس ناويه اعمل موضوع اللمون وزيت الزتون والتوم وعلى قد مقدر هحاول اكل الاكل اللى بينضف الكبد علطول علشان هو المنفذ الوحيد للسموم اللى بتدخل جسمنا وتبان على وشنا
يارب يكون الموضوع مفيد ليكوا يا بنات
ومتنسونيش بدعوة حلوة احسن عندى من الف تقييم
يرجى الحذر عند استخدام أي من الوصفات السابقة
الادارة
Gusto Gusto 563630_6.gif فتكات متميزة Fatakat 563630 CairO – Egypt