السلام عليكم و رحمة الله وبركاته
ازيكم يا فتوكات انا محتجاكم قوووووووي
من اسبوعين كده فجأة وبدون مقدمات وانا نازلة من علي السلم رجلي اليمين نملت فجأة و محستش بيها مابين القدم و الركبة لدرجة اني ندهت لزوجي يسندني عشان مش قادرة انزل واستمر بعدها 4 ايام يتكرر يوميا فقررت اروح لدكتور اشوف ايه الحكاية وبعد الكشف قالي ان ممكن يكون سببها التهاب في الاعصاب وده ممكن يكون سببه نقص فيتامين ب وكتبلي علي مسكن و فيتامين ب و قالي احلل دم ولقي عندي نقص في الهيموجلوبين و كتبلي علي اقراص حديد وقالي نجرب شهر ونشوف هايحصل ايه
المهم انا من ساعتها و التنميل بيجي ويروح و زاد عليه الم شديد في الكعب بيجيلي حتي وانا قاعدة و الم في الركبة و مفصل القدم اليمين برضوا بس الم الكعب موجود في القدمين اليمين و الشمال بس اليمين اكتر ولما كلمت الدكتور قالي برضوا استمر علي الفيتامين والمسكن و نجرب شهر بس انا مش مستحملة الامل تنصحوني بإيه و هل في حد جاتله الحالة دي قبل كده و سببها ايه و ايه العلاج
بجد نفسيتي تعبت انا عندي 32 سنة يعني انا سمعت ان الحالة دي بتيجي للستاب بعد الاربعين واولادي صغيرين وعايزين رعاية و حاسة بالعجز و انا تعبانة كده و مش قادرة اقف و بعمل كل حاجة وانا قاعدة الله يجزيكم خير أفيدوني انا في الغربة لوحدي و حاسة اني عذبت زوجي و مش قادرة أتقل عليه أكتر من كده
فجرالاسلام فجرالاسلام 46076_2.gif فتكات متميزة Fatakat 46076 بورت شيبستون – جنوب افرقيا