السلام عليكم ورحمه الله وبركاته
الله يكرمكم التقييم علشان الموضوع يتثبتحد اتعور قدامى وبينزف أعمل ايه؟؟؟
*أول حاجة اخليه ينام عشان ميحصلوش صدمة من النزيف الكتير..
*تانى حاجة اضغط على مكان النزف واحط ضمادة معقمة او قطعة قماش نظيفة.
حاجة مهمة::لو قطعة القماش اتملت بالدم مقولش يــــــع شكلها وحش اتوسخت وارميها !!
لا اجيب قماشة غيرها واحطها فوقيها لان القماشة دى التصق بيها بعض العوامل
المتكونة المساعدة ف تكوين جلطة فبتكون مهمة ولو شلتها هيرجع ينزف تانى..
*تالت حاجة ارفع الجزء المصاب لفوق عشان اقلل من النزف..
أخطاء شائعة..
========
-نجرى بسرعة ونجيب بن ونسد بيه الجرح ..!!
غلط جداااااااااااااااا لان ده هيأدى لتلوث الجرح والتهابه وكمان يجى بقى الدكتور يكشف او يخيط ميكونش شايف حاجة مانا سودتله الدنيا …
-ربط حزام ضاغط حول الطرف فوق الضغط ظناً منا ان ده بيقلل وصول الدم وبالتالى هيقل النزف !!! وده غلط…
لانه ممكن يقلل وصول الاكسجين للانسجة وبالتالى يؤدى لموتها وتلفها ولكن الصح الضغط على الجرح نفسه ..
-تغيير الضمادة لما تتملى بالدم زى ما سبق وقلنا والصح اسيبها واضيف فوقها ضمادات تانية ..
نقطة أخيرة فى حالة الجروح النافذة..يعنى الغائرة ممكن تكون بسبب جسم حاد كبير وطويل دخل جو الجسم ومخرجش زى قطعة حديد أو سكينة أو خشب…
غلط جداااااااااااااااااااااااااااااااااااااا انى احاول اشيل الجسم الغريب ده او احركه من مكاااااانه..
ده هيزود النزف وممكن كمان يسبب تلق للانسجة..
الصح انى اثبت الجسم الغريب بقطن او ضمادات..
لو الجسم ده ثابت ف الارض او اى مكان احاول اقطع الجسم ده وانقل المريض للمستشفى بخشبته بقى او بحديدته..المهم محركهاش..
لو مقدرتش اسيبه ثابت فى مكانه واستدعى الاسعاف..
ورقم الاسعاف ف مصر 123
والنجدة 122
والدفاع المدنى 180
أى خدمة ))
منقول للأفاده
داعيه بالشهاده داعيه بالشهاده 325075_1.gif فتكات هايلة Fatakat 325075 القاهره – مصر