السلام عليكم ورحمة الله وبركاته
شوفوا يا اخواتى نظرا لانى عانيت الكثير من كيفية تنظيم وجباتى وبالتالى ده بيأثر على الوزن
وكل ما احاول اضبط وزنى ارجع تانى وبعدين اكتشفت ان الملل هو اللى بيدمر المجهود اللى بعمله
تعالوا نمسح كلمة دايت او رجيم اوتخسيس من عقلنا خالص تعالوا نتعلم ناكل صح
نضع فى تفكرنا اننا سوف نعدل عادتنا الى الافضل ونفكر فى اى شئ حندخله معدتنا وميبقأش حشو بطن وخلاص
1- اوزنى نفسك اولا وانسى انك توزنى تانى الا بعد شهر او شهرين من الى حأولهولك وعلى فكرة ملابسك
حتلاقى فيها الفرق
2- اجعلى ثلاجتك بها دائما الخضروات مثل الخيار والطماطم والجزر والخس والفاكهة
3- حاولى التقليل من الدهون فى الطعام اطبخى نى فى نى المهم بهاراتك هى اللى بتدى طعم للاكل
4- حاولى الاستغناء عن الارز والمكرونة قدر المستطاع واستبدلهم بالعيش السن وقلت لكم طريقته فى موضوع سابق
5- اجعلىوجباتك خمس وجبات يوميا
6- اكثرى من شرب الماء على مدار اليوم بما لا يقل عن ثمان اكواب
7- لكى فى اليوم من السكر تلاث ملاعق صغيرة اشربى بهم مشروبات اليوم
8- اهتمى بشرب اللبن يمكن يصل لثلاث اكواب فى اليوم
اليكى نموذج ليوم صحى سعيد فى حياتى ارجوا ان يفيدك
الافطار : قطعة جبن اى نوع او بيضة مسلوقة او اومليت بدون دهون+خيار اوطماطم+رغيف سن
بعد الافطار بثلاث ساعات
كوب عصير فرش – كوب زبادى +ملعقة عسل اسود صغيرة – او ثمرتين فاكهة
الغداء : سلطة خضراء + قطعة لحم او ربع فرخة + طبق خضار
او سلطة خضراء + شمك مشوى + بطاطس مسلوقة او باذنجان مشوى
بين الغداء والعشاء :
ثمرتين فاكهة
العشاء : زبادى + ملعقة عسل
او بيضة مسلوقة + زبادى
او ثمرة فاكهة + زبادى
يجب ان يكون العشاء قبل النوم بساعتين عللى الاقل
هناك مشروبات حارقة مفيدة جدا لحرق الدهون :
1- الشاى الاخضر لوحده او عليه لبن راااااااااائع
2- البردقوش + البابونج+الشاى الاخضر
3- القرفة +الجنزبيل
يمكن اضافة اللبن على المشروبات السابقة حسب الرغبة
بالنسبة للحلويات والفطائر حاولى عدم الاكثار منها اجعليها عارضة يعنى لا يزيد تناولها عن مرة فى الاسبوع
والله ان شلء الله الموضوع سهل هو بس مسألة تعود وربنا يعنى على انفسنا
واللى عاوزة تسألنى عن شئ فى الموضوع ومكنتش موجودة ترسلى على الخاص
وانا آسف انى طولت عليكم لكن الموضوع بجد يستاهل ديه صحتنا وصحة اولادنا عاوزنهم يتعلموا يكلوا صح
من الاول علشان ما يتعبوش زينا
اتمنا الموضوع يعجبكم
زهرة البنفسج1 زهرة البنفسج1 191470_1.gif فتكات متميزة Fatakat 191470 الاسكندرية – مصر