السلام عليكم
طبعا كتير منكم هنا عارف قصى بما انى بقضى حياتى كلها فى القسم هنا زى زى كتير غيرى
ربنا يكرمنا يارب ونكون الشهر الجاى فى قسم تانى غير دا ياااااااااااااااارب
المهم اللى ميعرفنيش انا متأخرة فى الحمل والسبب لخبطة فى الهرمونات
المهم انا من وقت ما اتجوزت وانا اول مره اكشف بعد 3 شهور جواز طلع عندى قرحة فى عنق الرحم
واخدت دوا كتير وتابعت مع الدكتورة كذا شهر وبعدين مفيش جديد وغيرتها
كانت قالتلى انها ممكن تعملى كى بس متكلمتش فى الموضوع تانى
المهم الدكتورة التانية قالتلى التهابات وقرحة وادتنى علاج بس مش هتعملى كى عشان هى بتقول انها مش بتمنع الحمل
وبرضو كام شهر وغيرتها لان نفس النظام بتاع اللى قبلها
والدكتورة التالتة بقى نفس النظام قرحة برضو
بس دى بقى انا قررت انى هتابع معاها كام شهر وامرى على الله
وقالتلى تعملى كى وانا قولتلها اتكلى على الله لانى زهقت وقرفت من العلاج اللى مش بيعمل حاجة
مضاد حيوى ولبوس وانا زهقت منهم وبيتعبونى والله
المشكلة دلوقتى ان فى دكتور يقولك كى لا ودا ملوش علاقة بالحمل
ودكتور تانى وجهه نظره لا القرحة تأخر الحمل
مش عارفه اعمل ايه خايفة اوى
وعارفه ان فى ناس منكم هتقولى اعمليها وناس هتقولى لا اوعى تعمليها
بالله عليكوا طمنونى وقولولى ليه لا؟
وليه اه؟
ع العموم انا المفروض معادى معاها بعد بكره وهتشوف العلاج عمل حاجة ولا لا ولو لا هتكوى
وانا عارفه طبعا انه فى كى
يااااااااااااااااااارب مخنوقة اوى وخايفة حد جرب يطمنى ويقولى الموضوع مؤلم ولا ايه
وبتقعدى قد ايه تعبانه ؟
والدكتورة بتاخد فلوس ع الموضوع ولا دا تبع الكشف ولا ايه ؟
طمنونى يا بنات
لوليتاا (بنوتهـ مصريهـ ) لوليتاا (بنوتهـ مصريهـ ) images/avatars/peppers.jpg فتكات ست الكل Fatakat 335964 مصر – مصر