السـلام عليكم ورحمة الله وبركاته
ازيكم يا فتوكات يارب تكونوا بخير هدخل ف الموضوع على طول علشا انا مش شايفة الكي بورد من العياط الحمد لله على كل حال
انا اخدت ابرة تفجيرية يوم الاحــد 9-12
وبعــدين عملت تحليل حمل يوم الاحــد 30 -12
الدكتورة قعدت تقولي مبروك وفيه حمل وافرحي والكـلام ده وقالت كمان نسبة الهرمون 3000
وانا الحمد لله فرحت وحسيت ان ربنا عوض صبري خير ورزقني الحمل بعــد طول انتظار الحمد لله يارب بس يطمني ويتمم فرحتي
وقالت لي تعالي بقى بكرة ان شاء الله نعمل التحاليل الخاصة بالحمل واضيفك على التأمين في المتابعة طبعاً ده لاني ف السعودية والعلاج غالي
والتأمين لينا اوفر بكتير امبارح كنت تعبانة ومش رحت وجيت رحت النهارده لاقيت السيستم بتاع التأمين ف المستشفى بايظ
دخلت للدكتورة قالت لي خلاص تعالي بكرة ان شاء الله
قلت لها طيب يا دكتورة انا عندي امساك ومش هتكتبي مثبت ؟ كنتي بتقولي ايام المتابعة ان بطانة الرحم رقيقة
قالت لي نتأكد بس الاول ان الحمل ده من الابرة التفجيرية ولا حقيقي
والله يا فتوكات هي قالت الكلمة دي وانا اتصدمت قلت لها يا دكتورة ابرة تفجيرية ايه ..؟
انا عملت التحليل بعدها ب21 يوم والنهارده اليوم ال23
قالت لي نتأكد بردو ونشوف
انا عمالة اعيط بعدما فرحت جوزي واهلي وانا فرحت ترجع تقولي كده وتقلقني طيب بالله عليكم قولوا لي اعمل ايه
الله يسامحها قالت لي من الاول ليه ان فيه حمل إذا كانت مش متأكدة ياريت تشوروا عليا
وتقولوا لي اعمل ايه لان السيستم ف المستشفى هيفضل واقف لحد بعد بكرة وانا مش متخيلة افضل ف القلق ده
وصراحة مش بقيت طايقة الدكتورة دي لانها كسرت فرحتي ولا عاوزه اتابع معاها ونكدت عليا وعلى جوزي الله يجازيها
وللعلم انا كنت متايعة الشهر ده ف مصر يعني مش معاها وجيت اخدت الابرة التفجيرية هنا ياريت تردوا عليا لاني والله ما عارفة انام
enta wait ana gait enta wait ana gait 672420_2.gif فتكات رائعة Fatakat 672420 خليكي في حالك ^^ – المملكة العربية السعودية